Açiq mənbələrdən foto.
Moskvada Azərbaycan restoranlarına hücumla əlaqədar 8 erməni həbs edilib
Bakı/11.08.20/Turan: Moskvada ermənilər və azərbaycanlılar arasında bu yaxınlarda baş verən qarşıdurmalardan sonra 1000-ə yaxın erməni saxlanılıb. Onların əksəriyyəti protokol tərtib edildikdən sonra azad edilib, 15 nəfər 1000-1500 rubl inzibati cəriməyə məruz qalıb, 8 nəfər 2 aylıq istintaq müddəti üçün həbs edilib. Bu barədə “Aykakan jamanak” qəzetinə Rusiya Erməniləri İttifaqının Moskva ofisinin rəhbəri Şagen Petrosyan bildirib.
“Saxlanılanların böyük hissəsi Ermənistan bayrağı ilə Moskvada gəzənlər idi. İcazəsiz aksiyalar keçirilməsinə görə onlar barəsində protokollar tərtib edilib. “Bakinskiy dvorik” və “Tısyaça odna noç” Azərbaycan restoranlarına hücum edənlər həbsdə saxlanılır.
Həbs edilənlər RF CM-in 213-cü - xuliqanlıq, silah və ya digər əşyalardan istifadə ilə ictimai asayişin pozulması maddəsi ilə ittiham olunur.
Ermənilərə hücum faktlarına görə də azərbaycanlılar saxlanılıb, onlardan 7 nəfəri adam öldürməyə cəhddə ittiham olunur, deyə Petrosyan bildirib.
Xatırladaq ki, Rusiya paytaxtında qarşılıqlı hücumlar 12-14 iyul tarixlərində Ermənistan-Azərbaycan sərhədində baş vermiş döyüş əməliyyatlarından sonra baş verib.
İlk olaraq ermənilər Los Ancelesdə, daha sonra isə Brüsseldə Azərbaycan səfirliyinə hücum ediblər. Bu zaman Azərbaycan diasporasının bir neçə nümayəndəsi döyülüb. Buna cavab olaraq Rusiya ərazisində azərbaycanlılar erməniləri döyməyə başlayıblar. -02D-
Siyasət
-
İkinci gündür ki, Azərbaycan Baş Prokurorluğu ölkəyə pul vəsaitinin qaytarılmamasında ittiham olunan kənd təsərrüfatı məhsulları ixracatçılarının ifşa olunduğunu bildirir.
-
Günorta Kazanda BRİKS sammiti çərçivəsində Azərbaycan və Ermənistan liderlərinin ikitərəfli görüşü başlayıb. İlham Əliyev və Nikol Paşinyanın görüşündə iki ölkənin xarici işlər nazirləri, baş nazirin müavinləri və xarici siyasət üzrə köməkçilər də iştirak edirlər.
-
Günorta Kazanda BRİKS sammiti çərçivəsində Azərbaycan və Ermənistan liderlərinin ikitərəfli görüşü başlayıb. İlham Əliyev və Nikol Paşinyanın görüşündə iki ölkənin xarici işlər nazirləri, baş nazirin müavinləri və xarici siyasət üzrə köməkçilər də iştirak edirlər.
-
Cümə axşamı Avropa Parlamenti qəbul etdiyi qətnamədə Azərbaycanda insan hüquqlarının kobud şəkildə pozulmasını pisləyib. Sənəddə fəallara, jurnalistlərə və müxalifət liderlərinə qarşı repressiyalardan danışılır. Deputatlar bildiriblər ki, bu sui-istifadə halları COP29-un Bakıda keçirilməsilə bir araya sığmır. Avropa Parlamentinin üzvləri Avropa İttifaqını Bakıdan qaz asılılığına son qoymağa çağırıblar.
Rəy yaz