Moskvada keçirilən üçtərəfli görüşdə irəliləyiş əldə olunub - Lavrov

Баку/ 31.08.22 /Тuran: Azərbaycan, Ermənistan və Rusiya nümayəndələrinin təmsil olunduğu üçtərəfli işçi qrupu avqustun 30-da Moskvada keçirilən görüşdə regionda nəqliyyat kommunikasiyalarının bloklanması məsələsində mühüm irəliləyiş əldə edib. Bunu çərşənbə günü Rusiyanın xarici işlər naziri Sergey Lavrov iranlı həmkarı Hüseyn Əmir Abdullahyanla görüşündən sonra keçirilən mətbuat konfransında deyib.

Üçtərəfli işçi qrupu ritmik işləyir, sərhədlərin delimitasiyası və kommunikasiyaların açılması məsələlərini həll edir. "Son günlər qrup razılaşmaların əldə edilməsində əhəmiyyətli irəliləyiş əldə edib, ümid edirik ki, onlar yaxın vaxtlarda rəsmiləşəcək", - Lavrov qeyd edib. 

İşlər digər nəqliyyat layihələri, o cümlədən iranlı tərəfdaşlarımızın da maraqlı olduğu "Şimal-Cənub" dəhlizi layihəsi ilə sıx əlaqəli şəkildə həyata keçirilir”, - deyə o bildirib.

Lavrovun sözlərinə görə, iranlı nazirlə görüşdə Rəşt-Astara magistralında kiçik dəmir yolu hissəsinin bərpası məsələsi müzakirə olunub.

“Artıq sentyabrda mütəxəssislərin təmasları planlaşdırılır”, - o əlavə edib.

Öz növbəsində, Abdollahian qeyd edib ki, Şimal-Cənub dəhlizinin şaxələndirilməsi bütün region üçün vacibdir.

İranın xarici işlər naziri ölkəsinin Rəşt - Astara yolunun yarımçıq qalan hissəsinin tikintisini başa çatdırmağa hazır olduğunu bildirib. 02D