MSK Nəsimi rayonundakı seçiciləri "unudub"
Bakı/10.04.18/Turan: Cəlil Məmmədquluzadə küçəsi, 628, məhəllə 73F ünvanında yerləşən binanın sakinləri seçki komissiyasından şikayətlə Turan Agentliyinə müraciət ediblər.
Müraciətdə qeyd edilir ki, hər üç seçki kampaniyası, o cümlədən referendum, bu bina sakinlərinin iştirakı olmadan keçirilib. İndi, 11 aprel prezident seçkilərinə bir gün qalmış vəziyyət təkrar olunur. Səbəb səsvermə yeri göstərilən seçki bildirişlərinin olmamasıdır.
"MSK-nın qaynar xəttinə - 115-ə zəng etdim, buradan mənə bildirdilər ki, seçici siyahılarında soyadım yoxdur. Deməli, bizim yüksəkmərtəbəli binada qeydiyyatda olan bütün digər sakinlərin soyadları da siyahıda yoxdur. Haraya gedib səs verməli olduğumu soruşduqda mənə dedilər ki, 22-ci seçki komissiyası, 15 saylı seçki məntəqəsinə - Bağırova küçəsi, 638-ci məhəlləyə getməliyəm.
Məntəqənin harada yerləşdiyini dəqiqləşdirməyə çalışdıqda qaynar xətdəki qız əsəbi şəkildə 22-ci seçki dairəsinə müraciət etməyimi söylədi.
Çətinliklə ondan əlaqə nömrəsi aldım - 449 99 72 və seçki məntəqəsinin adını öyrənə bildim. İstəksizcə bildirdilər ki, onun adı Vaqif Qasımovdur. Amma MSK-dakı qızın verdiyi telefon cavab vermir", deyə bina sakinlərindən biri bildirib.
Sivil ölkələrdə seçici siyahıları internetdə dərc olunur və arzu edən hər kəs siyahını tapıb, harada səs verməli olduğunu öyrənə bilər.
Azərbaycanda seçicilərin adlarının "itirilməsi" problemi uzun illərdir mövcuddur və MSK bu problemi həll etmək iqtidarında deyil. Əvəzində, MSK sədri Məzahir Pənahov jurnalistlər qarşısında çıxış edərkən seçkilər sahəsində nadir şəraitdən və şəffaflıqdan danışır, bütün dünyanın ondan seçkilərin necə təşkil edilməli olduğunu öyrənməli olduğunu deyir. -02D-
-
- İqtisadiyyat
- 10 Aprel 2018 12:11
-
- Maliyyə
- 10 Aprel 2018 13:11
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz