Zakir Həsənov və Bülent Turan
Bakı/12.10.21/Turan: Çərşənbə axşamı müdafiə naziri Zakir Həsənov NATO Müttəfiq Qüvvələri Əməliyyat Komandanlığının Tərəfdaşlıq İdarəsinin rəisi kontr-admiral Bülent Turanı qəbul edib.
Həsənov azad edilmiş ərazilərdə görülmüş işlər və Ermənistan-Azərbaycan sərhəddində mövcud vəziyyət barədə qonağa məlumat verib. Bu barədə Azərbaycan Müdafiə Nazirliyinin mətbuat xidməti bildirib.
NATO ilə əməkdaşlığın hazırkı vəziyyətindən və bu sahədə əldə edilmiş müsbət nəticələrdən məmnunluğunu bildirən Həsənov münasibətlərin daha da inkişaf etdirilməsinin vacibliyini vurğulayıb.
Kontr-admiral Turan Əfqanıstanda "Qətiyyətli dəstək" qeyri-döyüş missiyasına verdiyi töhfəyə görə Azərbaycan hərbçilərinə təşəkkür edib və mövcud hərbi əməkdaşlığın daha da genişləndirilməsini dəstəklədiyini bildirib.
Tərəflər NATO ilə tərəfdaşlıq çərçivəsində həyata keçirilən birgə tədbirlər barədə fikir mübadiləsi aparıblar.—16D-
Siyasət
-
Ermənistanın Baş naziri Nikol Paşinyan hökumət iclasında gözlənilməz bir açıqlama verərək, Azərbaycanla strateji sazişin imzalanmasının vacibliyini vurğulayıb. Onun sözlərinə görə, iki ölkənin gələcəkdə dinc yanaşı mövcudluğu növbəti yüz il ərzində təmin edilməlidir və bu məsələnin həlli hər iki tərəf üçün ən əsas və fundamental məsələdir.
-
BMT-nin İqlim Dəyişikliyi üzrə Konfransının (COP29) 29-cu sessiyasında açıqlanan yeni iqlim proqramlarının maliyyələşdirilməsi üzrə razılaşma layihəsi, iqlim dəyişikliyinin təsirlərinə uyğunlaşmaq və iqlim müdafiəsi tədbirləri üçün illik ən azı 1,3 trilyon dollar (1,23 trilyon avro) ayrılmasını təklif edir. Çərşənbə günü açıqlanan 34 səhifəlik sənəd, inkişaf etməkdə olan ölkələrin maraqlarını nəzərə alaraq hazırlanıb, lakin bəzi mübahisəli məsələlər hələ də həll edilməyib, AFP bildirir.
-
Noyabrın 13-də Beynəlxalq Qırmızı Xaç və Əfqanıstan Taliban Hərəkatının nümayəndələri COP29 konfransı çərçivəsində Bakıda danışıqlar aparıblar.
-
Həbsdə olan ictimai fəal, birinci qrup əlil Famil Xəlilovun xanımı Kiçikxanım Xəlilova noyabrın 13-də COP29 konfransı zamanı izlənməyə məruz qalıb.
Rəy yaz