Müdafiə Nazirliyi Azərbaycan təyyarələrinin vurulması barədə ermənilərin məlumatını təkzib edir

Bakı/03.10.20/Turan: Müdafiə Nazirliyi Azərbaycana məxsus təyyarələrin və PUA-nın vurulması barədə erməni tərəfinin məlumatını təkzib edib.  

“Bu gün erməni tərəfi guya Azərbaycan HHQ-yə məxsus təyyarələrin və pilotsuz uçuş aparatlarının vurulması barədə növbəti dezinformasiyanı yayıb”, - Azərbaycan Müdafiə Nazirliyinin mətbuat xidmətinin rəhbəri Vaqif Dərgahlı deyib.

“Bir daha təkrar edirik ki, Azərbaycan HHQ-nin heç bir döyüş təyyarəsi vurulmayıb. Əksinə, Azərbaycanın zərbəçi pilotsuz uçan aparatları Ermənistan Silahlı Qüvvələrinin döyüş texnikasını məhv etməkdə davam edir. Bizim PUA-nın döyüş əməliyyatları haqda videoqeydlər mütəmadi olaraq ictimaiyyətin diqqətinə çatdırılır. Ermənistan Müdafiə Nazirliyinin nümayəndələri Azərbaycanın itkiləri barədə yalan məlumatlar yayaraq hərbi əməliyyatlarla bağlı onlarda yaranmış informasiya boşluğunu doldurmağa çalışırlar”, - Azərbaycan Müdafiə Nazirliyinin mətbuat xidmətinin rəhbəri bildirib.06D-