Açiq mənbələrdən foto.
Münasibətlərin gərginləşməsi fonunda İran parlamentinin rəhbəri Bakıya gələcək
Bakı/31.10.22/Turan: İran parlamentinin sədri Məhəmməd Baqir Qalibaf Azərbaycana səfər edəcək.
Bu barədə Turan-a məlumat verən İran səfirliyindəki mənbə səfərin tarixini dəqiqləşdirməyib və yaxın vaxtlarda baş tutacağını qeyd edib.
Xatırladaq ki, ötən axşam iki ölkənin xarici işlər nazirləri arasında telefon danışığı olub.
İRNA agentliyinin məlumatına görə, İranın xarici işlər naziri “Qafqaz mübahisəsinin 3+3 formatında həlli”nə tərəfdar olduğunu bildirib. Bu o deməkdir ki, İran Bakı və Yerevan arasında danışıqların iştirakçısı olmaq istəyir.
Həmçinin Abdullahiyan "bölgədə xarici qüvvələrin olmasına” qarşı çıxıb, “bu, mübahisələri daha da çətinləşdirir”.
“İran Azərbaycanın təhlükəsizliyini öz təhlükəsizliyi hesab edir və regionda xarici qüvvələrin yerləşdirilməsinin əleyhinədir, bu, regionun təhlükəsizliyinə təhdid yaradır”, - İRNA Abdullahiyandan sitat gətirib.
Qeyd edək ki, son günlər İranın Azərbaycanla sərhəddə keçirdiyi hərbi təlimlər nəticəsində ikitərəfli münasibətlərdə gərginlik müşahidə olunur. Bu fonda İrandan Azərbaycanın ünvanına təhdidlər səslənib, həmçinin Tehranın Ermənistana silah göndərməsi barədə məlumatlar yayılıb. 16D06
Siyasət
-
Bakı Ağır Cinayətlər Məhkəməsində fəal İlhamiz Quliyevin işi üzrə prosesdə ittiham aktı elan edilib. Fəal narkotik maddələrin qanunsuz dövriyyəsi ittihamını rədd edib və cinayət işinin saxtalaşdırıldığını bildirib.
-
Son bir neçə həftə ərzində Azərbaycan da daxil olmaqla, bütün dünyada mətbuat azadlığına vurulan zərbələr jurnalistikanı qorumaq tələbilə Bayden administrasiyasına təzyiqlərə səbəb olub, Turan-ın Vaşinqtondakı müxbiri bildirib.
-
Mayın 16-da Cenevrədə parlament sədrlərinin VI Ümumdünya Konfransının Təşkilat Komitəsinin 1-ci iclası çərçivəsində Azərbaycan və Ermənistan parlamentlərinin sədrləri Sahibə Qafarova və Alen Simonyanın ikinci görüşü keçirilib.
-
Rusiyanın Ukraynanın ikinci böyük şəhəri Xarkova hücumu fonunda Vaşinqtondakı rəsmi şəxslər deyirlər ki, ABŞ-ın son hərbi yardımından sonra savaş meydanında "real dəyişikliklər" gözləyirlər. Bu barədə dövlət katibi Blinken Kiyevə səfəri zamanı bildirib, Turan-ın Vaşinqton müxbiri məlumat verib.
Rəy yaz