Bakı/12.11.19/Turan: Metronun “İçəri şəhər” stansiyası tərəfindən Bakı Şəhər İcra Hakimiyyətinin yaxınlığında Müsavat başqanının müavinləri Səxavət Soltanlı, Fərəc Kərimli və digər fəallar saxlanılıb. Partiya üzvləri jurnalistlərlə söhbət edərkən saxlanılıblar.
Bir qədər sonra partiyanın Səbail rayon təşkilatının sədri Zakir İsmayılov saxlanılıb. O, jurnalistlərə aksiya başlamazdan əvvəl 17 partiya fəalının saxlanıldğını bildirib.
Həmçinin, bir neçə qadın jurnalistlərə müsahibə verərkən saxlanılıb. Onlar qanunu pozmadıqlarını, Konstitusiyada təminat verilmiş toplaşmaq azadlığı hüquqlarını həyata keçirdiklərini bildiriblər.
Polis və mülki geyimli şəxslər insanları dərhal saxlayır və avtomobillərlə aparır, jurnalistlərdən dağılışmağı və polisə mane olmamağı tələb edirlər.
Turan-ın müxbirlərinin müşahidələrinə görə, paytaxt meriyası qarşısında saxlanılan müsavatçıların ümumi sayı 15 nəfəri keçib. -06B-
Siyasət
-
Noyabrın 14-də Britaniya Parlamentinin İcmalar Palatasında “Akademik Azadlıq və Azərbaycanın Enerji Sənayesində Korrupsiya” mövzusunda dinləmələr keçirilib. Qlobal Şahid (Global Witness) təşkilatının Qlobal Maqnitski Ədalət Kampaniyası ilə əməkdaşlıq şəraitində keçirilən tədbirə Britaniya Parlamentinin üzvü, parlamentdə partiyalararası Korrupsiyaya Qarşı Mübarizə Qrupunun sədri Joe Powell moderatorluq edib.
-
Aİ-nin Xarici Əlaqələr və Təhlükəsizlik Xidmətinin rəhbəri Jozep Borrel Azərbaycan rəhbərinin COP29 konfransında Avropa ölkələrinə və şəxsən Borrelə qarşı səsləndirdiyi ittihamları rədd edib.
-
Cümə axşamı prezident İlham Əliyev COP29 iqlim konfransında iştirak etmək üçün Bakıya gələn Avropa Şurasının Baş katibi Alen Berseni qəbul edib.
-
Noyabrın 14-də Avropa İnsan Hüquqları Məhkəməsi (AİHM) Azərbaycanla bağlı qərarları açıqlayıb. Qərarlara görə, Azərbaycan höküməti təqribən 40 min avro cərimə ödəməlidir.
Rəy yaz