• contact.az Contact
  • Bakı
  • Partly cloudy12.20 C
  • Çərşənbə axşamı, 4 Fevral 2025
    • flag_EN
    • flag_RU

Son yenilənmə

(24 d. əvvəl)
Müsavat liderinin müşaviri Lənkəranda saxlanılıb
A- A A+
EN RU
Turan İnformasiya Agentliyi
Turan İnformasiya Agentliyi

Müsavat liderinin müşaviri Lənkəranda saxlanılıb

Müsavat Partiyası liderinin müşaviri Yadigar Sadıqov Lənkəranda saxlanılıb.

 
    Partiyanın sədr müavini Gülağa Aslanlının Turan-a verdiyi məlumata görə, Sadıqov bu gün 25 iyun hadisəsi ilə əlaqədar yerli polisə çağırılıb. Həmin vaxt DİN-dən polisə zəng edərək, müsavatçıya saxlanıldığını və sabah məhkəməyə çıxarılacağını bildiriblər.
 
    Öz növbəsində, DİN-in mətbuat xidmətinin əməkdaşı Orxan Mənsurzadə bildirib ki, Sadıqov 221.3-cü (xuliqanlıq) maddə üzrə cinayət işinin təhqiqatı ilə əlaqədar polisə çağırılıb.
 
    Sadıqova qarşı Rəşid Kərimov adlı ikinci qrup Qarabağ müharibəsi əlili şikayət yazıb. Bu şəxsin iddiasına görə, Sadıqov və daha iki nəfər iyunun 25-də onu döyüb.
 
    Mənsurzadənin sözlərinə görə, istintaq hərəkətləri davam etdirilir, istintaqın gedişatından asılı olaraq Sadıqovun həbs edilib-edilməyəcəyi haqqında qərar qəbul ediləcək.
 
    Xatırladaq ki, bir müddət əvvəl Sadıqov Kərimovla hər-hansı münaqişəsi olduğunu təkzib edib və hakimiyyətin ona qarşı təbliğat hazırladığını iddia edib.
 
    Sadıqova qarşı təzyiqin səbəbi onun siyasi fəaliyyəti və xüsusən bu ilin yanvar ayında Müsavat lideri İsa Qəmbərin Lənkərana səfərinin hazırlanması ola bilərdi. Həmin vaxt hakimiyyət bu səfərə yol verməmək üçün əsl hərbi əməliyyat həyata keçirib. -16D-
 

Rəy yaz

Siyasət

Bizi sosial şəbəkələrdə izləyin

Xəbər lenti