![Müsavat partiya fəallarına təzyiqlərin davam etdiyini bildirir](https://turan.az/resized/750/500/resize/media/2016/main/081700165879.jpg)
Müsavat partiya fəallarına təzyiqlərin davam etdiyini bildirir
26 sentyabr 2016-cı il tarixə təyin edilmiş referendumla bağlı Müsavat Partiyasının təşəbbüsü ilə yaradılmış “Respublika” təşviqat qrupunun qeydə alınması üçün imza toplanması kampaniyası əsasən başa çatıb.
Müsavat Partiyasının Turan-a daxil olan bəyanatında deyilir ki, İmza toplanması kampaniyası dövründə Cəlilabad, Masallı, Abşeron, Qazax və başqa rayonlarda, Gəncə şəhərində yerli hakimiyyət strukturları tərəfindən bu prosesə maneələr törədilib. İmza toplayanlara, onların yaxınlarına təzyiq göstərilib. İmza vərəqələri oğurlanıb.
"Bütün bunlara baxmayaraq, yerli təşkilatlarımız, bu işdə bizə yardım göstərən “NİDA” Vətəndaş Hərəkatının və “D-18” Hərəkatının fəalları lazım olan ərazilərdən, lazım olan sayda imza toplanmağa nail olublar", deyə bəyanatda qeyd edilir.
Bəyanatda deyilir ki, təşkilatların nümayəndələrinə təzyiq göstərilir, dilə tutma, hədə-qorxu gəlmə və digər üsullardan istifadə edilir. Polis və yol polisi tərəfindən imza vərəqələrinin olduğu ehtimal edilən avtomobillərdə axtarış aparılır.
Müsavat Partiyası baş verənləri Azərbaycan Konstitusiyası və qanunlarının, o cümlədən Seçki Məcəlləsinin kobud surətdə pozulması kimi qətiyyətlə pisləyir, Azərbaycan hakimiyyətindən və Mərkəzi Seçki Komissiyasından bu qanun pozuntularına və özbaşınalıqlara son qoyulması üçün lazımi tədbirlər görməyi tələb edir.
Müsavat Partiyası sentyabrın 26-da keçiriləcək referendumda Konstitusiyaya düzəlişlərin əleyhinə təşviqat aparacaq, belə ki, prezidentin səlahiyyətlərinin genişləndirilməsinin Azərbaycanda avtoritarizmin daha da güclənməsinə gətirib çıxaracağını hesab edir. -06D-
-
- İqtisadiyyat
- 17 Avqust 2016 15:04
Siyasət
-
Ermənistan Azərbaycanın sülh müqaviləsi layihəsi ilə bağlı son təkliflərinə cavab verib. Bunu iyulun 25-də Ermənistan Xarici İşlər Nazirliyinin mətbuat katibi Ani Badalyan bildirib.
-
İyulun 25-də Azərbaycanın iqtisadiyyat naziri İsrail Xarici İşlər Nazirliyinin baş katibi Yakob Blitşteyni qəbul edib.
-
İyulun 25-də Bakı Ağır Cinayətlər Məhkəməsində narkotik ittihamı ilə həbs edilən fəal İlhamiz Quliyevin cinayət işi üzrə məhkəmə prosesi davam etdirilib.
-
İyulun 25-də Ermənistan Təhlükəsizlik Şurasının katibi Armen Qriqoryan ABŞ Dövlət Departamentinin Cənubi Qafqaz məsələləri üzrə baş müşaviri Lui Bononu qəbul edib.
Rəy yaz