![Müsavat Partiyası müstəqil vəkillərə təzyiqi pisləyib](https://turan.az/resized/750/500/resize/media/2017/main/112000005750.jpg)
Müsavat Partiyası müstəqil vəkillərə təzyiqi pisləyib
Bakı/20.11.17/Turan: Müsavat Partiyası müstəqil vəkillərə təzyiqi pisləyən bəyanat yayıb. "Azərbaycan hakimiyyəti demokratik institutları aradan qaldırmağa davam edir, siyasi fəallara, jurnalistlərə, vətəndaş cəmiyyəti fəallarına qarşı repressiyaları davam etdirir.
İndi bu siyasətin yeni dalğası təmənnasız olaraq siyasi məhbusları müdafiə etmələri ilə məşhur olan müstəqil vəkillərə - Nemət Kərimli, Fəxrəddin Mehdiyev, Yalçın İmanov, Aqil Layıc və Elçin Sadıqova toxunub", deyə partiyanın bəyanatında bildirilir.
Bu vəkillərə qarşı Vəkillər Kollegiyasında intizam təhqiqatları başlayıb və onlar bu orqandan çıxarıla bilərlər. Bununla hakim rejim siyasi məhbusları normal müdaifə imkanından məhrum etməyə çalışır.
Hakimiyyət məhkəmə və prokurorluq orqanlarına tamamilə nəzarət edir, indi isə Vəkillər Kollegiyasını tamamilə əzməyə çalışır. Ölkədə ədalətli mühakimə sisteminin tam məhvinin yekunlaşdırılması prosesi gedir.
Müsavat hakimiyyətin hüquqşünaslara qarşı total hücumunu pisləyir və cəmiyyəti bu qanunsuzluğa qarşı mübarizəyə çağırır. Partiya həmçinin beynəlxalq təşkilatları, demokratik dövlətləri, Azərbaycandakı diplomatik nümayəndəlikləri ölkədə hüquq sisteminin ləğvi planlarına qarşı aydın və qətiyyətli mövqe nümayiş etdirməyə çağırır. -06D-
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz