Bakı/15.12.17/Turan: Əmlak Komitəsinin xəbərdarlığı REAL Hərəkatının Müsavat Partiyasının qərargahında qurultay keçirəcəyi ilə bağlı məlumatından bir gün sonraya təsadüf edir.
Dekabrın 14-də Əmlak Məsələləri üzrə Dövlət Komitəsinin nümayəndələri Müsavat Partiyasına gələrək komitə sədrinin müavini Rafiq Cəlilovun adından məktub təqdim ediblər.
Müsavat Partiyası İcra Aparatının rəhbəri Gülağa Aslanlı bildirib ki, məktubda Müsavat Partiyasına müqavilə əsasında icarəyə götürdüyü qərargahla bağlı xəbərdarlıq elan edilib.
Əmlak Komitəsinin məktubunda söhbət əmlakın "icarəyə verənin razılığı olmadan icarəçi tərəfindən 2-ci əldən (subicarəyə) və ya hər hansı məqsədlə istifadəyə verilməsindən" gedir və bu halda müqaviləyə xitam veriləcəyi qeyd edilir.
"Siyasi partiyalar haqqında" qanuna görə, dövlət siyasi partiyaların fəaliyyəti üçün şərait yaratmağa borcludur. Bundan əvvəl Müsavat Partiyasının Sumqayıt, Şəki, Gəncə, Şirvan, Lənkəran şəhərlərində və əksər rayonlarda olan qərargahları qanunsuz olaraq partiyanın əlindən alınıb. Müsavat Partiyası qərargahın icarə pulunu vaxtlı-vaxtında ödəyir. Məktubu təqdim edən şəxslər də partiyanın nümunəvi icarədar olduğunu qeyd ediblər. Odur ki, müqaviləyə xitam verilməsinə heç bir əsas yoxdur", -G. Aslanlı bildirib.
Qeyd edək ki, ReAl Hərəkatı dekabrın 17-də qurultay keçirmək üçün Müsavat Partiyasından yer istəyib. Müsavat Partiyası bu müraciətə müsbət cavab verib.
"Biz REAl Hərəkatına qurultay keçirmək üçün yeri icarə əsasında verməmişik ki, burada "subicarə" anlayışından istifadə edilsin. Bundan əvvəl İctimai Palatanın, Milli Şuranın, müxtəlif dövrlərdə AXCP-nin, NİDA-nın, ictimai təşkilatların iclasları bu qərargahda keçirilib. Bu qərargah hazırda bütün müxalifətin istifadə edə bildiyi tək-tük məkanlardan biridir. Əslində hakimiyyət bu qərargahı əlimizdən alacaqsa, bütövlükdə müxalifətin qərargahını əlindən almış olacaq", -G. Aslanlı vurğulayıb.
"2018-ci ildə keçiriləcək prezident seçkiləri ərəfəsində hakimiyyətə rəqib ola biləcək Müsavat Partiyasını, bütövlükdə müxalifəti zəiflətmək üçün bütün üsullara əl atırlar. Ayrıca cümhuriyyətimizin 100 illiyi ərəfəsində Məmməd Əmin Rəsulzadənin yadigarı olan, cümhuriyyəti quran partiyanın hətta qərargahının da əlindən alınması bu hakimiyyətə baş ucalığı gətirməyəcək", - G. Aslanlı bildirib. -03B-
Siyasət
-
COP29 iqlim sammitində əldə edilən razılaşma BMT Baş Katibi Antoniu Quterreş tərəfindən iqlim dəyişikliyinə qarşı qlobal səylərdə mühüm addım kimi qiymətləndirilib. Yüksək səviyyəli müzakirələrin yekununda çıxış edən Quterreş, bu razılaşmanın qlobal istiləşməni 1,5°C həddində saxlamaq məqsədini qorumaq üçün həlledici olduğunu vurğulayıb. Bu hədd iqlim dəyişikliyinin ən pis təsirlərini qarşısını almaq üçün kritik hesab olunur.
-
Noyabrın 23-də Bakıda BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasının (COP29) keçirildiyi məkanda müxtəlif ölkələrdən olan ekofəlallr liderlərin kifayət qədər iqlim maliyyəsi ödənilməsi barədə razılığa gələ bilməməsinə etiraz olaraq aksiya keçirib.
-
Bakıda COP29 iqlim konfransının bağlanışı ərəfəsində Beynəlxalq Jurnalistləri Müdafiə Komitəsi Azərbaycanda həbs olunmuş jurnalistlərin cinayət işlərinə diqqəti yönəldib.
-
Bakıda keçirilən BMT-nin İqlim Dəyişikliyi üzrə Çərçivə Konvensiyasının (UNFCCC) 29-cu sessiyası üzrə danışıqlar 24 noyabr tarixinə qədər uzadılıb. Bu barədə UNFCCC Katibliyindən bir mənbə Turan informasiya agentliyinə məlumat verib. Mənbənin sözlərinə görə, iştirakçılar həmin tarixə qədər yekun sənədləri razılaşdırıb imzalamağı planlaşdırırlar.
Rəy yaz