Mustafa Hacıbəyli
Bakı/09.07.18/Turan: Müsavat Partiyasının mətbuat xidmətinin və bastainfo.com saytının rəhbəri Mustafa Hacıbəyli iyulun 9-da günorta saatlarında 4 nəfər polis əməkdaşı təərfindən Binəqədi Rayon Polis İdarəsinə aparılıb.
Müsavat Partiyasının başqanı Arif Hacılı Turan-a bildirib ki, polis əməkdaşları əvvəlcə M. Hacıbəylinin evinə gediblər.
Sonra onlar Müsavat Partiyasının qərargahına gedərək M. Haclıbəylinin onlarla Binəqədi Rayon Polis İdarəsinə gedəcəyini bildiriblər. Deyiblər ki, Binəqədi Rayon Polis İdarəsinin rəisi onunla görüşmək istəyir.
Müsavat başqanının qənaətincə, M. Hacıbəylinin polis idarəsinə çağırılması onun rəhbərlik etdiyi bastainfo.com saytı ilə bağlıdır.
Rəsmi qurumlar M. Hacıbəylinin polis idarəsinə çağırılmasının səbəbləri barədə hələ məlumat yaymayıblar. -03B-
Siyasət
-
Fevralın 5-də Səbail Rayon Məhkəməsində “Kanal-13” İnternet- nəşrin rəhbəri əziz Orucovun işi üzrə proses davam edib.
-
Fevralın 4-də Bakı Apellyasiya Məhkəməsi rusiyalı keçmiş hakim, Rusiya Prokurorluğunun vəsatətilə Azərbaycanda həbs edilmiş Yelena Xaxalevanı həbsdən azad edib.
-
Azərbaycanın “Azel” TV saytının rəhbəri, fevralın 2-dən Tbilisi İstintaq Təcridxanasında quru aclıq edən Əfqan Sadıqov çərşənbə axşamı huşunu itirib. Bu barədə Turan-a onun xanımı Sevinc Sadıqova bildirib.
-
Fevralın 5-də Bakı Ağır Cinayətlər Məhkəməsində keçmiş diplomat Emin İbrahimovun işi üzrə hazırlıq iclası olub. İclasa hakim Vuqar İbrahimov sədrlik edib. Mahiyyəti üzrə dinləmələr fevralın 12-nə təyin edilib.
Rəy yaz