Bakı/07.11.19/Turan: Müsavat Partiyasının yeni təyin edilmiş sədr müavini Azər İsmayıl dünən Sabirabad Rayon Polis Şöbəsinə çağırılıb.
Bu barədə Turan-a İsmayıl özü bildirib.
Müxalifətçinin sözlərinə görə, Cinayət Axtarış Bölməsinin rəisi qəbul edib, müxalifətin planlaşdırılan mitinqləri haqqında suallar verib.
"O, müxalifətin növbəti mitinqinin nə vaxt olacağını soruşdu, dedim ki, "mətbuatda xəbər tutarsınız". Bundan sonra məni sərbəst buraxdılar", deyə İsmayıl bildirib.
Sabirabad Rayon Polis Şöbəsindən şərh almaq mümkün olmayıb.
Müsavat Partiyası noyabrın 10-da mitinq keçirməyi planlaşdırırdı. Amma Bakı Şəhər İcra Hakimiyyəti partiyaya aksiyanı Lökbatan qəsəbəsində keçirməyi təklif edib.
Müsavat bu təklifi qəbuledilməz hesab edib və noyabrın 12-də toplaşmaq azadlığının pozulmasına etiraz əlaməti olaraq İcra Hakimiyyətinin binası qarşısında aksiya keçiriləcəyini elan edib. -06D-
Siyasət
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
-
Avropanın “EU Reporter” nəşri cümə günü onun siyasi redaktoru Nik Pauelin Şuşada keçirilən Qlobal Media Forumunda iştirak edərkən təbii səbəblərdən vəfat etməsi barədə məlumat yayıb.
-
43-cü gündür aclıq edən iqtisadçı Fazil Qasımovun vəziyyəti kəskin pisləşib. İyulun 26-na keçən gecə o, 1 sayl Bakı İstintaq Təcridxanasından Penitensiar Xidmətin müalicə müəssisəsinə köçürülüb. Bu barədə Turan-a onun qardaşı Nazim Qasımov bildirib.
-
İyulun 26-da Bakı Ağır Cinayətlər Məhkəməsində ictimai fəal Bəxtiyar Hacıyevin işi üzrə proses davam etdirilib. Üç şahidin ifadəsini dinləyiblər.
Rəy yaz