Müsavat Partiysı parlament seçkilərində səsvermənin gedişi barədə

Bakı/09.02.20/Turan:  67 saylı Cəlilabad seçki dairəsinin 18 saylı məntəqəsində Müsavat Partiyasından olan müşahidəçi Rövşən Məmmədov MSK-dan verilmiş müşahidəçi sənədini təqdim etsə də məntəqəyə buraxılmayıb.

Analoji bəhanə ilə Turan Qurbanov da 68 saylı Cəlilabad seçki dairəsinin 12 saylı məntəqəsinə buraxılmayıb.

15 saylı Yasamal birinci seçki dairəsinin 12 saylı məntəqəsində seçki qutularından biri qeyri-şəffafdır və bülletenlərin doldurulması üçün geniş yer var. Eyni zamanda müşahidəçilərin yerindən qalxmasına icazə verilmir.

68 saylı  Cəlilabad kənd dairəsinin 9 saylı məntəqəsində Şiləvəngə kəndinin icra nümayəndəsi Bağır Şirəliyev məntəqədədir,  komissiya üzvlərinin hərəkətlərinə nəzarət edir və seçiciləri istiqamətləndirir

54 saylı Şabran-Siyəzən seçki dairəsinin 62 saylı seçki məntəqəsində saat 8.30-a qədər seçki qutuları artıq yarıya kimi dolub.

8 saylı Binəqədi seçki dairəsinin 31 saylı seçki məntəqəsində müşahidəçilər seçki bülletenləri olan masadan aralıda oturdurulub və seçki prosesini müşahidə edə bilmirlər. Bu mənzərə digər məntəqələrdə də müşahidə edilir.

12 saylı Qaradağ-Binəqədi-Yasamal seçki dairəsinin 25 saylı məntəqəsində 9 nəfər seçici barmağı rəngsiz mürəkkəblə işarələnmədən seçki məntəqəsinə buraxılıb.

41 saylı Sumqayıt birinci seçki dairəsinin məntəqələrində məşvərətçi səs hüquqlu komissiya üzvləri polislə hədələnir.06D-