![Müsavat rəhbərləri paytaxt polisinə çağırılıblar](https://turan.az/resized/750/500/resize/media/2019/main/110900022950.jpg)
Müsavat rəhbərləri paytaxt polisinə çağırılıblar
Bakı/09.11.19/Turan: Son üç gün ərzində Müsavat Partiyasının 40-dan çox rəhbəri və fəalı polis orqanlarına çağırılıb. Bu barədə Turan-a Müsavat-ın mətbuat xidmətinin rəhbəri Mustafa Hacıbəyli bildirib.
Onun sözlərinə görə, çağırışlar Partiyanın noyabrın 12-nə Bakı Şəhər İcra Hakimiyyətinin binası qarşısında təyin etdiyi aksiya ilə bağlıdır. Dəvət olunanlardan aksiyada iştirak edib-etməyəcəklərini soruşurlar.
"Hələlik saxlanılan yoxdur, amma təzyiq davam edir", deyə Hacıbəyli bildirib.
Şənbə günü Müsavat Partiyasının sədr müavinləri Səxavət Soltanlı, Fərəc Kərimov və Razim Əmiraslanlı, habelə partiyanın aparat rəhbəri Gülağa Aslanlı Bakı şəhər Baş Polis İdarəsinə çağırılıb.
Bakı Şəhər İcra Hakimiyyəti Müsavat-ın noyabrın 10-na təyin etdiyi mitinqin şəhərin hüdudları daxilində keçirilməsinə razılıq verməkdən imtina edib və aksiyanı Lökbatan qəsəbəsində keçirməyi təklif edib.
Partiya mitinqi ləğv edib və piketi noyabrın 12-nə Şəhər Administrasiyasının binası qarşısında təyin edib. Amma İcra Hakimiyyəti bu piketə razılıq verməkdən imtina edib. Buna baxmayaraq, Müsavat rəhbərliyi şəhər administrasiyası qarşısında aksiya keçirəcək.-06D-
-
- Siyasət
- 9 Noyabr 2019 11:25
-
- Sual-cavab
- 9 Noyabr 2019 12:58
Siyasət
-
Müsavat Partiyasının Seçki qərargahına seçki gününün ilk saatlarından qanun pozuntuları barədə məlumatlar da daxil olur.
-
Səhər saat 8-də Azərbaycan Milli Məclisinə növbədənkənar seçkilərdə səsvermə başlayıb. Səsvermə Azərbaycanın bütün ərazisində, o cümlədən işğaldan azad edilmiş torpaqlar da daxil olmaqla, 6478 seçki məntəqəsində keçirilir. Birpalatalı parlamentdə 125 yer uğrunda 990 namizəd mübarizə aparır.
-
Ermənistan ATƏT-in Minsk Qrupunun buraxılmasının əleyhinə deyil, amma indi bu məsələni müzakirə etməyi məqsədəuyğun hesab etmir.
-
Ermənistanın baş naziri Azərbaycan prezidenti İlham Əliyevlə iki ölkənin sərhədində görüşməyə hazırdır. "İlham Əliyevlə görüş Ermənistan-Azərbaycan sərhədində də ola bilər. Mən belə formata hazıram",- Paşinyan bugünkü mətbuat konfransında deyib.
Rəy yaz