Bakı/09.11.19/Turan: Noyabrın 9-da Azərbaycanda Dövlət Bayrağı Günü qeyd olunur. Bayram münasibətilə ölkədə qeyri-iş günüdür. Bu il Bayraq Günü şənbə gününə düşdüyünə görə növbəti gün - 11 noyabr da qeyri-iş günü elan edilib.
Üzərində aypara və səkkiz guşəli ulduz olan üçrəngli bayraq 1918-ci l noyabrın 9-da Azərbaycan Xalq Cümhuriyyəti (1918-1920) tərəfindən dövlət rəmzi kimi təsdiq edilib.
Bu bayraq 1920-ci il aprelin 28-nə qədər qüvvədə olub, həmin tarixdə Azərbaycan bolşevik Rusiyası tərəfindən işğal edilib.
1980-ci illərin sonu - 1990-cı illərin başlanğıcında milli-azadlıq mübarizəsi nəticəsində 1991-ci il fevralın 5-də Azərbaycan Ali Şurası üçrəngli bayrağı respublikanın rəmzi kimi bərpa edib.
Azərbaycan prezidenti İlham Əliyevin 17 noyabr 2009-cu il tarixli fərmanına uyğun olaraq, Azərbaycan Xalq Cümhuriyyətinin xatirəsinə noyabrın 9-u hər il "Dövlət Bayrağı Günü" kimi qeyd olunur.
2010-cu ildə Bakı buxtasının cənub-qərb sahilində bayraq dirəyinin yüksəkliyi 162 m olan Bayraq Meydanı açılıb. Oradaca Bayraq Muzeyi yaradılıb. -0-
Siyasət
-
Avropa İttifaqının iqlim fəaliyyəti üzrə komissarı Vopke Hukstra oktyabrın 10-11-də Bakı səfəri çərçivəsində COP29-dan öncəki son nazirlər görüşündə iştirak edib. COP29-a bir ay əvvəl qalmış Bakıda iqlim maliyyələşməsi, beynəlxalq karbon bazarları, Paris sazişinin 6-cı maddəsi, adaptasiya, nəticələrin yumşaldılması, şəffaf hesabat və COP28-in fosil yanacaqlardan keçidi sürətləndirmək öhdəliyinin yerinə yetirilməsi kimi mövzuları müzakirə etmək üçün mühüm imkan olub.
-
Human Rights Watch beynəlxalq insan hüquqları təşkilatı noyabrda Bakıda keçiriləcək COP29 iqlim sammitinin ev sahibliyi sazişinin nüsxəsini əldə edib. Saziş bu il avqustun 17 və 23-də Bonn və Bakıda imzalanıb, hələ ictimaiyyətə açıqlanmayıb. Təşkilatın yaydığı bəyanata görə, sazişdə iştirakçıların hüquqlarının qorunması ilə bağlı ciddi çatışmazlıqlar var.
-
Oktyabrın 12-də Müdafiə Nazirliyində xidməti müşavirə keçirilib.
-
Azərbaycan Səfərbərlik və Hərbi Xidmətə Çağırış üzrə Dövlət Xidmətinin strukturlarında qanunun pozulması faktları üzrə cinayət işi çərçivəsində qurumun Xocavənd rayon şöbəsinin rəhbəri mayor Sadiq Əliyev saxlanılıb.
Rəy yaz