![Müxalifətin mitinqinə icazə verilməyib](https://turan.az/resized/media/2019/main/022700017078-750-500-resize.webp)
Müxalifətin mitinqinə icazə verilməyib
Bakı/27.02.19/Turan: Bakı Şəhər İcra Hakimiyyəti Demokratik Qüvvələrin Milli Şurasının (DQMŞ) martın 2-nə təyin etdiyi mitinqə icazə verməyib.
Şəhər administrasiyası imtinanı DQMŞ-nin 19 yanvar mitinqindən sonra ictimai təhlükəsizliyə yönələn hərəkətlərin törədilməsi, aksiyanın keçirildiyi yerin ətrafında müəssisələrin və nəqliyyatın normal fəaliyyətinin pozulması ilə əsaslandırıb.
Artıq üçüncü dəfədir ki, şəhər administrasiyası eyni əsaslarla müxalifətin mitinqinə icazə verməkdən imtina edir. Bundan öncə 26 yanvar və 23 fevral mitinqlərinə icazə verilməyib.
DQMŞ bunu toplaşma azadlığının pozulması kimi qiymətləndirir.
Qeyd olunur ki, 19 yanvar mitinqi ərəfəsində və sonra 64 nəfər saxlanılıb. 43 nəfər inzibati qaydada 10 sutkadan 30 sutkayadək həbs edilib. 21 nəfər cərimə olunub.
DQMŞ mitinqləri siyasi məhbusların azadlığa buraxılması, korrupsiya qarşı mübarizə, əhalinin kredit borcları məsələsinin həlli, demokratik islahatların aparılması tələbilə keçirir.-16D-
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz