Bakı/03.03.20/Turan: Çərşənbə axşamı Müsavat Partiyasının qərargah-mənzilində 9 fevral parlament seçkilərinin rəsmi nəticələri ilə razı olmayan deputatlığa namizədlərin iclası keçirilib.
Görüşdə Müsavat Partiyasının, Respublikaçı Alternativ Partiyasının, "Hərəkat" blokunun namizədləri, habelə bir qrup müstəqil namizəd iştirak edib.
İştirakçılar vəziyyəti müzakirə ediblər və gələcək addımlar haqqında təkliflərlə çıxış ediblər. Xüsusən, seçkilərin nəticələrinin ləğvi uğrunda mübarizədə səyləri birləşdirmək qərara alınıb.
Xüsusən, kölgə parlamenti yaratmaq, 200 müxalif namizəd adından ölkə vətəndaşlarına müraciət qəbul etmək, konstitusiya komissiyası yaratmaq və parlament respublikasına keçid məqsədilə yeni konstitusiya layihəsi hazırlamaq təklif olunub.
Fəaliyyətin əlaqələndirilməsi üçün iclas iştirakçıları Müsavat Partiyasının Aparat rəhbəri Gülağa Aslanlı, REAL-ın icraçı katibi Natiq Cəfərli, NİDA hərəkatının üzvü İlkin Rüstəmzadə, D18 hərəkatının sədri Ruslan İzzətli və ictimai fəallar Fərhad Mehdiyev, Bəxtiyar Hacıyev və Limunət Əmrahlıdan ibarət işçi qrup yaradıblar. -06D-
Siyasət
-
Fevralın 4-də Bakı Apellyasiya Məhkəməsi rusiyalı keçmiş hakim, Rusiya Prokurorluğunun vəsatətilə Azərbaycanda həbs edilmiş Yelena Xaxalevanı həbsdən azad edib.
-
Azərbaycanın “Azel” TV saytının rəhbəri, fevralın 2-dən Tbilisi İstintaq Təcridxanasında quru aclıq edən Əfqan Sadıqov çərşənbə axşamı huşunu itirib. Bu barədə Turan-a onun xanımı Sevinc Sadıqova bildirib.
-
Fevralın 5-də Bakı Ağır Cinayətlər Məhkəməsində keçmiş diplomat Emin İbrahimovun işi üzrə hazırlıq iclası olub. İclasa hakim Vuqar İbrahimov sədrlik edib. Mahiyyəti üzrə dinləmələr fevralın 12-nə təyin edilib.
-
AZAL-ın təyyarəsinin qəzaya uğraması ilə bağlı Qazaxıstanın Nəqliyyat Nazirliyinin dərc etdiyi hesabat "ilkin xarakter daşıyır və baş verənlərin səbəbləri barədə nəticə yoxdur". Bu barədə “Rosaviasiya” - Rusiya Federal Hava Nəqliyyatı Agentliyinin məlumatında deyilir.
Rəy yaz