Bakı/23.05.18/Turan: Müdafiə naziri Zakir Həsənov çərşənbə günü NATO-nun Hərbi Tərəfdaşlıq İdarəsinin rəisi general Odd Egil Pederseni və NATO-nun Quru Qoşunları Komandanlığının qərargah rəisi, diviziya generalı Erhan Uzun ilə görüşüb.
Müdafiə Nazirliyinin mətbuat xidmətinin məlumatına görə, Həsənov NATO ilə əməkdaşlığa xüsusi önəm verildiyini qeyd edib. O, Azərbaycan hərbiçilərinin Alyansın proqramlarında və xüsusən Əfqanıstanda "Qətiyyətli Dəstək" missiyasında fəal iştirak etdiyini vurğulayıb.
Öz növbəsində, qonaqlar qeyd ediblər ki, Azərbaycan NATO üçün mühüm tərəfdaşdır. Onlar Alyans qərargahlarında xidmət keçən və onun müxtəlif proqramlarında iştirak edən Azərbaycan zabitlərinin bilik və bacarıqlarını yüksək qiymətləndiriblər.
NATO-nun nümayəndə heyəti Azərbaycan SQ-nin kəşfiyyat bölüyünün səhra təlimlərini müşahidə etmək məqsədilə ölkəyə gəlib. -06D-
Siyasət
-
Rusiyadan İrana qaz kəməri Azərbaycandan keçəcək, onun marşrutu razılaşdırılıb. TASS xəbər verir ki, bu barədə jurnalistlərə energetika naziri Sergey Tsivilev bildirib.
-
Toplum TV-nin işi üzrə polis nəzarətində olan jurnalist Fərid İsmayılov yanvarın 17-də saxlanılıb və Xətai Rayon Məhkəməsinə aparılıb. Bu barədə jurnalistin həmkarları məlumat veriblər.
-
İlham Əliyev İrakli Kobaxidzeni "Gürcü arzusu" partiyasının seçkilərdə qələbəsi münasibətilə təbrik edib və ona yeni uğurlar arzulayıb.
-
Yanvarın 17-də Bakının Xətai Rayon Məhkəməsi Meydan TV-nin jurnalistləri Aynur Elgünəş və Natiq Cavadlının ev dustaqlığına keçirilmələri haqqında vəsatətlərini təmin etməyib.
Rəy yaz