NATO sammiti Ukraynanın dəstəklənməsi üzrə mühüm  qərarlar qəbul edib

Prezident Co Bayden, Ukrayna prezidenti Vladimir Zelenski və NATO liderləri alyansın vəziyyətini və Ukraynanın NATO üzvü olmaq istəyini müzakirə ediblər, Turan-ın Vaşinqton müxbiri bildirib.

Bayden Zelenski ilə görüşündə Amerikanın mövqeyini təsdiqləyib və Ukrayna üçün 225 milyon dollarlıq daha bir yardım paketini elan edib.

"Rusiya Ukraynanı məğlub etməyəcək, Ukrayna qalib gələcək. Biz hər zaman səninlə olacağıq", - Bayden deyib.

"NATO-nun vaxtının keçdiyini düşünənlər Putin Ukraynaya hücum etdiyində oyandılar. Avropadakı ən dərin qorxulardan bəzisi həyata qayıtdı, çünki yürüşdə yenə ölümcül bir dəli var. Ancaq bu dəfə heç kim qorxmadı, xüsusən də ABŞ".

NATO-nun builki sammitinin nəticələrinə gəlincə, 32 müttəfiqin hamısı müdafiə sənayesini artıracağını vəd edib.

Müttəfiqlər modernləşdirilmiş komanda strukurunu yaratmaq üçün ümumi müdafiə planını təşviq etmək barədə razılığa gəliblər.

Bayden Avropa İttifaqı ilə birlikdə 20-dən çox ölkənin Ukrayna haqqında müqaviləni təqdir etdiyini bildirib. Sənəddə onlar Ukraynanın uzunmüddətli müdafiəsinə və təhlükəsizliyinə sadiq qaldıqlarını bəyan edirlər.

Sammiti yekunlaşdıran NATO rəhbəri Stoltenberq bu addımların Ukraynanın alyansa daxil olmasına  daha çox yol açdığına işarə edib. "Hazırda birlikdə gördüyümüz işlər Ukraynanın bizə qoşulmasını təmin edəcək", - Stoltenberq deyib.