Açiq mənbələrdən foto.
Bakı/24.02.22/Turan: NATO hesab edir ki, Rusiya Ukraynaya qarşı müharibəyə görə çox ağır iqtisadi və siyasi qiymət ödəyəcək. Bu barədə NATO-nun bəyanatında deyilir.
"Biz israrla Rusiyanı seçdiyi şiddət və təcavüz yolundan əl çəkməyə çağırırıq.
Rusiya liderləri öz hərəkətlərinin nəticələrinə görə tam məsuliyyət daşımalıdır. Rusiya çox ağır iqtisadi və siyasi qiymət ödəyəcək.
NATO öz addımlarını maraqlı tərəflərlə və digər beynəlxalq təşkilatlarla, o cümlədən Aİ ilə sıx şəkildə əlaqələndirməyə davam edəcək", deyə bəyanatda qeyd edilir.
Eyni zamanda, NATO Rusiyanın işğal edilmiş Donetsk və Luqansk vilayətlərinin "müstəqilliyini" tanımaq qərarını qətiyyətlə pisləyir.
"Bu, Ukraynanın suverenliyini və ərazi bütövlüyünü daha da pozur və Rusiyanın imzaladığı Minsk razılaşmalarına ziddir", deyə bəyanatda bildirilir.
"Rusiyanın Ukraynaya dəhşətli hücumuna heç nə haqq qazandırmır və bunun heç bir səbəbi yoxdur. Biz eyni zamanda bu hücum üçün imkan yaratdığına görə Belarusu qınayırıq", deyə bəyanatda qeyd edilir.
"Rusiyanı hərbi əməliyyatlara dərhal son qoymağa və bütün qüvvələrini Ukraynadan çıxarmağa çağırırıq", deyə bəyanatda vurğulanır. -02D-
Siyasət
-
Müstəqil jurnalist Xanım Mustafayeva yanvarın 11-də Azərbaycandan xaricə gedə bilməyib. Bakı hava limanında ona bildiriblər ki, qadağa Azərbaycanın Daxili İşlər Nazirliyi tərəfindən qoyulub. Lakin jurnalistin hüquqlarının məhdudlaşdırılmasının səbəbləri ona izah edilməyib.
-
Məşhur iqtisadçı və siyasi xadim Qubad İbadoğlunun ev dustaqlığına buraxıldıqdan sonra hüquqlarını daha da məhdudlaşdırırılıb. Onun şəxsiyyət vəsiqəsi fəaliyyətsiz edilib.
-
Yanvarın 10-da Bakı Ağır Cinayətlər Məhkəməsində Demokratik Qüvvələrin Milli Şurasının və Müsavat Partiyasının üzvü Tofiq Yaqublunun işi üzrə növbəti iclas gərgin atmosferdə keçib.
-
Cənubi Kaliforniyada yanvarın 7-də başlamış yanğını lokallaşdırmaq mümkün olmayıb. ABŞ prezidenti Co Bayden genişmiqyaslı təbii fəlakət rejiminin tətbiq edildiyini açıqlayıb.
Rəy yaz