![Dmitry Peskov.](https://turan.az/resized/media/2022/main/022400045194-750-500-resize.webp)
Dmitry Peskov.
Rusiya Ukraynada milli təmizləmə aparmaq istəyir?
Moskva/24.02.22/Turan: Denazifikasiya Ukraynanın nasistlərdən təmizlənməli olduğunu nəzərdə tutur. Putinin bu terminini onun mətbuat katibi Dmitri Peskov belə izah edib.
RF prezidenti Vladimir Putin Donbass respublikasının müraciətinə cavab olaraq xüsusi hərbi əməliyyat həyata keçirmək bərədə qərar qəbul etdiyinibildirib. Hərbi əməliyyatın məqsədi Kiyev tərəfindən rişğənd və soyqırıma məruz qalan insanları qorumaqdır. Bunun üçün, Putinin sözlərinə görə, Moskva Ukraynanı demilitarizasiyası və denazifikasiyası üçün də səy göstərəcək.
"Əslində Ukraynanı azad etmək, nasistlərdən, nasistyönlü insanlardan və ideologiyadan təmizləmək lazımdır", deyə Peskov ölkənin denazifikasiyası zərurəti haqqında sözlərin necə başa düşülməli olduğu barədə suala cavabda bildirib.
O, həmçinin izah edib ki, Ukraynanın demilitarizasiyası "son vaxtlar xarici ölkələrin fəallığı sayəsində həddindən artıq güclənən hərbi potensialın zərərsizləşdirilməsi" deməkdir. Jurnalistlərin bunun Ukrayna Silahlı Qüvvələrinin ləğvi mənasına gəlib-gəlmədiyini dəqiqləşdirmək xahişinə cavabda Kremlin nümayəndəsi belə deyib: "Bu sualınıza artıq cavab verdim".
Bu zaman Peskov Ukrayna hökumətinin dəyişməli olub-olmaması barədə suala cavab verməkdən imtina edib: "Bunu heç cür şərh etməyəcəyəm, hazırda bu suala cavab verə bilmərəm", deyə Kremlin nümayəndəsi bildirib. O, həmçinin Moskvanın fikrincə Ukrayna prezidentinin və digər rəhbər şəxslərinin belə nasistyönlü şəxslərə aid olub-olmadığı barədə suala da cavab verməyib. -02D-
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz