Açiq mənbələrdən foto.
Bakı/28.05.21/Turan: Mayın 28-nə keçən gecə ərzində Azərbaycan Ordusunun Naxçıvan Muxtar Respublikasının Babək rayonunun Aşağı Buzqov yaşayış məntəqəsi yaxınlığında yerləşən mövqeləri Ermənistan silahlı qüvvələrinin bir neçə istiqamətdə açdığı atəşə məruz qalıb. Xəbəri Müdafiə Nazirliyinin mətbuat xidməti yayıb.
Nəticədə hərbi qulluqçu Elxan Muradov çiynindən yaralanıb. O, hospitala təxliyə edilib, həyatı üçün heç bir təhlükə yoxdur.
Əlahiddə Ümumqoşun Ordunun bölmələrinin cavab atəşi ilə qarşı tərəf susdurulub. Əməliyyat şəraiti Azərbaycan Ordusunun tam nəzarəti altındadır.
Ermənistan-Azərbaycan dövlət sərhədinin Naxçıvan sahəsində vəziyyətin nisbi gərginləşdirilməsinə görə məsuliyyət tam şəkildə Ermənistanın üzərinə düşür. “Ermənistan tərəfini təxribatlar törətməkdən, vəziyyətin gərginləşməsinə səbəb olacaq digər addımlardan çəkinməyə və məsuliyyətli davranmağa çağırırıq”, deyə Müdafiə Nazirliyinin mətbuat xidmətinin məlumatında bildirilir. -02D-
Siyasət
-
Azərbaycan parlamenti mövcud bələdiyyələrin birləşdirilməsi yolu ilə yeni bələdiyyələrin yaradılmasını təsdiqləyib. Bu addım inzibati səmərəliliyi və yerli idarəetməni gücləndirmək məqsədi daşıyır. Qərar, "Bələdiyyələrin Birgə Fəaliyyəti, Birləşməsi, Ayrılması və Ləğvi haqqında" qanuna edilmiş dəyişikliklər əsasında, Konstitusiyanın 95-ci maddəsinə uyğun olaraq qəbul edilib.
-
Siyasi Menecment İnstitutunun direktoru, politoloq Azər Qasımlı bu gün saat 16:00-da Bakı Şəhər Baş Polis İdarəsinə çağırılıb. Bu barədə o, Facebook-da yazıb.
-
Almaniyanın xarici işlər naziri Annalena Berbok COP29-da iqlim dəyişikliyilə bağlı mübarizənin maliyyələşdirilməsi məsələsində Bakının mövqeyini haqsız hesab edib.
-
Noyabrın 25-də Qafqaz Müsəlmanları İdarəsinin sədri, şeyxülislam Allahşükür Paşazadə Birləşmiş Millətlər Təşkilatı Sivilizasiyalar Alyansının 10-cu Qlobal Forumunda iştirak etmək üçün Portuqaliyaya gedir. Bu barədə Qafqaz Müsəlmanları İdarəsinin məlumatında deyilir.
Rəy yaz