Açiq mənbələrdən foto.
Bakı/17.09.22/Turan: Ötən gün Naxçıvan Muxtar Respublikası üzərində kəşfiyyat uçuşu yerinə yetirən Ermənistan Silahlı Qüvvələrinə məxsus pilotsuz uçuş aparatı zərərsizləşdirilib. Bu barədə Naxçıvan Muxtar Respublikasında Əlahiddə Ümumqoşun Ordusunun mətbuat xidməti məlumat yayıb.
"Sentyabrın 16-da Naxçıvan Muxtar Respublikasında Əlahiddə Ümumqoşun Ordusunun müdafiə mövqeləri üzərində kəşfiyyat xarekterli uçuşlar həyata keçirməyə cəhd edən Ermənistan Silahlı Qüvvələrinə məxsus pilotsuz uçuş aparatı Hava Hücumundan Müdafiə bölmələri tərəfindən aşkar olunaraq xüsusi texniki vasitələrlə endirilərək zərərsizləşdirilib", - məlumatda deyilir.
Qeyd edək ki, son günlər sosial şəbəkələrdə erməni istifadəçilər Ermənistanla Naxçıvan Muxtar Respublikası sərhədinə gedən hərbi texnikanın videogörüntülərini yayıblar. 06B
Siyasət
-
İnsan Hüquqları Müdafiəçilərinin Müdafiəsi Rəsədxanası (OPHRD) azərbaycanlı hüquq müdafiəçisi Rüfət Səfərovun həbsini pisləyib və ona qarşı ittihamların dərhal ləğv edilərək sərbəst buraxılmasına çağırıb.
-
Dekabrın 21-də Müsavat Partiyasının qərargahında mərhum ictimai fəal Nərgiz Yaqublunun adına təsis olunmuş mükafatın təqdimatı keçirilib. Mükafat hazırda həbsdə olan "III Respublika Platforması"nın (Resplatforma) spikeri Akif Qurbanova təqdim olunub. Müsavat Partiyasının başqanı İsa Qəmbər Qurbanovun Azərbaycanda demokratik, cümhuriyyət dəyərlərinin bərqərar olması uğrunda apardığı ardıcıl mübarizəyə görə bu mükafata layiq olduğunu deyib.
-
Dövlət Departamentinin sözçüsü TURANa bildirib ki, Birləşmiş Ştatlar Gürcüstanda demokratiyanı sarsıtmaqda günahkar olan daha on məmura viza qadağası qoyacaq və bununla da onların ümumi sayı 100-dən çox olacaq.
-
Azərbaycan prezidenti İlham Əliyev Almaniyanın Maqdeburq şəhərində baş vermiş faciəli hadisə ilə əlaqədar prezident Frank-Valter Ştaynmayerə başsağlığı verib.
Rəy yaz