![Nazim Bəydəmirli](https://turan.az/resized/media/2023/main/081000065299-750-500-resize.webp)
Nazim Bəydəmirli
Nazim Bəydəmirli özünü ekologiya məhbusu hesab edir - vəkil
Bakı/10.08.23/Turan: Vəkil Aqil Layic avqustun 10-da Milli Məclisin keçmiş deputatı, iqtisadçı Nazim Bəydəmirli ilə istintaq təcridxanasında görüşüb.
Vəkilin sözlərinə görə, Nazim Bəydəmirli özünü ekologiya məhbusu hesab edir, çünki onun həbsinin səbəbi Söyüdlü kəndində baş verən hadisələrlə bağlıdır və hazırki ona qarşı olan ittiham tamamilə cəfəngiyyatdır.
Penitensiar Xidmətdən, hələlik, mövqe almaq mümkün olmayıb.
İyulun 5-də Nərimanov Rayon Məhkəməsi hakim Vüsal Qurbanovun sədriyi ilə Nazim Bəydəmirli barəsində 4 aylıq həbs qətimkan tədbiri seçib.
Keçmiş deputata qarşı Cinayət Məcəlləsinin 182.2.4-cü (Hədə-qorxu ilə tələb etmə, xeyli miqdarda əmlak əldə etmək məqsədi ilə törədildikdə) maddəsi ilə ittiham irəli sürülüb. İlkin olaraq Bəydəmirlinin Daxili İşlər Nazirliyinin Baş Mütəşəkkil Cinayətkarlıqla Mübarizə İdarəsində Gədəbəy rayonunun Söyüdlü kəndində yerli sakinlərin etiraz aksiyaları ilə bağlı şübhəli şəxs qismində saxlanılması barədə sosial şəbəkələrdə məlumat yayılıb.
Daxili İşlər Nazirliyinin Mətbuat Xidmətinin məlumatında deyilir ki, Bəydəmirli vətəndaşın müraciəti əsasında saxlanılıb.
"Vətəndaş polisə müraciət edərək bildirib ki, Nazim Bəydəmirli onun barəsində rüsvayedici görüntülərin olduğunu qeyd edərək şantaj edib, dərc etməmək üçün ondan 50 min manat tələb edib".
İyulun 10-da Bakı Apellyasiya Məhkəməsi Bəydəmirli barəsində Nərimanov Rayon Məhkəməsinin seçdiyi həbs qətimkan tədbiri qərarını qüvvədə saxlayıb.
Hüquq müdafiəçiləri keçmiş deputatın həbsini siyasi hesab edir və onun Gədəbəy rayonunun Söyüdlü kəndindəki qızıl mədəninin vurduğu ziyanla bağlı yerli sakinlərin etirazını müdafiə etdiyinə görə saxlanıldığı qənaətindədirlər. 16
-
- Maliyyə
- 10 Avqust 2023 14:46
-
- İqtisadiyyat
- 10 Avqust 2023 15:07
Siyasət
-
Rusiyanın RİA-Novosti İnformasiya Agentliyinin saytına sərbəst giriş bir sutka - iyulun 23-də mümkün olub. Bundan sonra yenidən Azərbaycan ərazisində bloklanıb. Hakimiyyət nə baş verdiyini şərh etmir.
-
Məhkəmənin qərarı ilə “Abzas Media” müstəqil onlayn nəşrinin saytına və bütün sosial media səhifələrinə giriş məhdudlaşdırılıb.
-
Azərbaycan Rusiyada və digər meydançalarda Ermənistanla danışıqlara həmişə hazır olub. Bu barədə TASS-a Azərbaycan Xarici İşlər Nazirliyinin mətbuat katibi Ayxan Hacızadə Moskvanın tərəflərin görüşünü təşkil etməyə hazır olduğunu şərh edərkən bildirib.
-
Keçmiş diplomat Emin Şaiq İbrahimova qarşı Cinayət Məcəlləsinin 126.2.4 (xuliqanlıq niyyəti ilə sağlamlığa qəsdən ağız zərər vurmaq) və 221.-ci (xuliqanlıq) maddələrilə ittiham elan edilib. Bu barədə vəkil Aqil Layıc Facebook səhifəsində yazıb.
Təhsildə maliyyələşmə necə qurulmalıdır? – Nabatəli Qulamoğlu Çətin sualda
Xəbər lenti
-
- Cəmiyyət,
- 13:18
- 224
Rəy yaz