Nazirlərin növbəti görüşü başa çatdı  

Bakı/16.01.19/Turan: Azərbaycan Xarici İşlər Nazirliyi xarici işlər naziri Elmar Məmmədyarov və Ermənistan xarici işlər naziri v.i.e Zöhrab Mnatsakanyan arasında görüşə dair şərh verib.

Məlumatda deyilir ki, görüş ATƏT-in Minsk Qrupu həmsədrlərinin iştirakı ilə 2019-cu il yanvarın 16-da Paris şəhərində baş tutub.

Azərbaycanın XİN-in şərhində deyilir ki, tərəflər arasında danışıqar 4 saatdan çox davam edib.

Şərhə görə, danışıqlarda daha çox anlayış və etimadın qurulmasının əhəmiyyəti də daxil olmaqla faydalı və çox müsbət fikir mübadiləsi aparılıb.

Şərhdə vurğulanır ki, ardıcıl və nəticəyə yönəlik danışıqların qarşıdan gələn ayda da davam etdirilməsi razılaşdırılıb.

Şərh müəllifləri bildirirlər ki, tərəflər danışıqlar zamanı bir sıra məsələləri, o cümlədən hər iki tərəfin əhalisinin sülhə, təhlükəsizliyə və dayanıqlı regional inkişafa hazırlanması yollarını müzakirə ediblər.

Nazirlərin görüşündən öncə, yanvarın 15-də həmsədrlərlə Azərbaycan XİN rəhbər Elmar Məmmədyarov arasında görüş olub.

Xatırladaq ki, Qqarabağ münaqişəsi 1988-ci ildən başlayıb. 1994-cü ildə atəşkəs razılığına qədər Dağlıq Qarabağ bölgəsi, bura bitişik 7 rayon işğal edilib.

Münaqişənin tənzimlənməsi ATƏT-in Mnsk qrupuna hvalə edilib. ABŞ, Fransa və Rusiya həmsədr dövlətlərdir.