![Ekologiya Nazirliyinin strukturu yenidən təşkil edilir](https://turan.az/resized/./turan-750-500-resize.webp)
Ekologiya Nazirliyinin strukturu yenidən təşkil edilir
Bakı/16.01.19/Turan: Azərbaycan prezidenti İlham Əliyev yanvarın 16-da Ekologiya və Təbii Sərvətlər Nazirliyinin strukturunun və idar ediməsinin təkmilləşdirilməsi üzrə tədbirlər haqqında fərman imzalayıb.
Sənədə əsasən, ətraf mühitin mühafizəsi departamentinin əsasında Dövlət Ekoloji Təhlükəsizlik Xidməti yaradılacaq.
Meşələrin İnkişafı Departamentinin və Elmi-Tədqiqat Meşəçilik İnstitutunun əsasında Meşələrin İnkişafı Xidməti yaradılacaq.
Bundan başqa, prezident Ətraf mühit üzrə milli monitorinq departamentinin, Milli hidrometeorologiya departamentinin, Hidrometeorologiya Elmi Tədqiqat İnstitutunun, Metrologiya və Standartlaşdırma Mərkəzinin və Ətraf Mühit üzrə Laboratoriya Mərkəzinin əsasında Milli Hidrometeorologiya Xidmətinin yaradılması barədə göstəriş verib.
Bununla yanaşı, Bioloji müxtəlifliyin qorunması və xüsusi mühafizə olunan təbiət ərazilərinin inkişafı departamentinin, Su hövzələrinin bioloji resurslarının artırılması və mühafizəsi departamentinin, Ovçuluq Təsərrüfatlarının İdarə Edilməsi və Ovçuluq Fəaliyyətinə Dövlət Nəzarəti Xidmətinin və Elmi Tədqiqat Balıqçılıq Təsərrüfatı İnstitutunun əsasında Bioloji Müxtəlifliyin Qorunması Xidməti yaradılacaq.
Geodeziya və Kartoqrafiya üzrə Dövlət Agentliyi ləğv edilir. Onun funksiyaları Nazirliyin Aparatı vasitəsilə həyata keçiriləcək.
Həmçinin, Bakı şəhər Ekologiya və Təbii Sərvətlər Departamenti ləğv edilir. Onun işçilərinin say həddi daxilində Nazirliyin yerli orqanlarının işçilərinin say həddi artırılacaq.
Fərmanda Dövlət ekspertiza departamentinin əsasında Dövlət Ekoloji Ekspertiza Agentliyinin yaradılması nəzərdə tutulur. -06D-
-
- Siyasət
- 16 Yanvar 2019 19:24
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz