Bakı/25.01.20/Turan: 2020-ci ilin fevralında keçiriləcək Münhen Təhlükəsizlik Konfransında Azərbaycan prezidenti İlham Əliyevlə görüş barədə hələlik razılaşma yoxdur. Bunu Ermənistanın baş naziri Nikol Paşinyan şənbə günü keçirdiyi mətbuat konfransında məlumat bildirib.
“Görüşü istisna etmək bilməz, çünki müzakirə prosesindədir”, - N.Paşinyan əlavə edib.
Onun sözlərinə görə, Azərbaycan prezidenti ilə son görüşü 2019-cu ilin dekabrında Sankt-Peterburqda MDB liderlərinin sammitində olub.
“Bu cür ünsiyyəti faydalı hesab edirəm. Düşünürəm ki, nəyisə müzakirə etməyin zərəri yoxdur”, - o deyib.
Bununla yanaşı Paşinyan qeyd edib ki, Ermənistan hökuməti 2019-cu il dekabrın 23-də Yerevanda keçirilən Ermənistan və Qarabağ Təhlükəsizlik şuralarının birgə iclasında danışıqlar prosesinin çərçivəsini müəyyən edb.
“Hazırda danışıqlar masasında müzakirə üçün sənəd yoxdur. Biz danışıqlar prosesini daha predmetli müzakirələr mərhələsinə yaxınlaşdırmaq üçün birlikdə çalışmalıyıq”.
“Əsas problem odur ki, Azərbaycan tərəfi Qarabağ münaqişəsinin həlli variantının Arsax, Ermənistan və Azərbaycan xalqları üçün məqbul olması ilə bağlı mənim bəyanatıma hələ cavab verməyib. Konseptual baxsaq, bu, danışıqlar prosesində əsas problemdir, ancaq erməni tərəfi konstruktiv həllə hazırdır”, - o deyib.-0-
Siyasət
-
USAID-in ölkədə fəaliyyət göstərməsi üçün hüquqi əsas olmadığı və fəaliyyətini dayandırmalı olduğu barədə bildiriş ABŞ tərəfinə rəsmən göndərilib.
-
Fevralın 5-də axşam jurnalist Şahnaz Bəylərqızının saxlanıldığı məlum olub. Bir neçə il əvvəl o, “Toplum” TV-nin aparıcısı olub.
-
Dövlət başçısının 5 fevral tarixli sərəncamı ilə Muxtar Babayev prezidentin iqlim məsələləri üzrə nümayəndəsi təyin edilib.
-
Fevralın 5-də prezident İlham Əliyev Ukraynaya humanitar yardımın göstərilməsi haqqında sərəncam imzalayıb. Sənədə əsasən, Azərbaycanda istehsal olunan elektrik avadanlığının satın alınması və göndərilməsi üçün Energetika Nazirliyinə 1 milyon ABŞ dolları ayrılıb.
Rəy yaz