Nikol Paşinyan Qarabaağlıları Ermənistandakı proseslərə müdaxilə etməməyə çağırıb

Bakı/29.11.18/Turan: Ermənistanın baş nazir vəzifələrini yerinə yetirən Nikol Paşinyan Dağlıq Qarabağ liderlərini Ermənistanda gedən siyasi proseslərə müdaxiləyə və Paşinyanın özünün əməllərini şərh etmək cəhdinə görə kəskin şəkildə tənqid edib.

Belə ki, bu gün Çambarak şəhərində seçicilərlə görüşdə Paşinyan Dağlıq Qarabağ rəhbərlərini və xüsusən "prezidentin" köməkçisi David Babayanı ittiham edib.

Paşinyanın qəzəbinə Qarabağ liderlərinin Paşinyanın oğlunu Qarabağa hərbi xidmətə göndərdiyini xatırlatmasını "spekulyasiya" adlandırması səbəb olub.

"Dağlıq Qarabağ nümayəndələrinin fəallığını başa düşə bilmirəm. Onlar niyə fəallaşıblar və niyə Ermənistanda qarşıda duran parlament seçkiləri üzrə təşviqat kampaniyasında öz iştiraklarını nümayiş etdirməyə çalışırlar?", deyə o bildirib.

Daha sonra Paşinyan birbaşa Bako Saakyanın köməkçisini nəzakətsiz davranışda və səlahiyyətlərini aşmaqda ittiham edib.

"Cənab Bako Saakyan, sizi nazirlər kabinetinizin nümayəndələrini intizama çağırmağa və onları işləməyə göndərməyə çağırıram. Niyə Qarabağ prezidentinin mətbuat katibi bir gündə bir mənim dediklərim haqqında şərh verməlidir? Mənim mətbuat katibim Qarabağdakı məlum və naməlum hadisələri şərh etsə necə olar? Bunun nəticələrini təsəvvür edirsiniz? Özünüzə gəlin və öz işinizlə məşğul olun", deyə Ermənistan KİV-ləri Paşinyandan sitat gətirir. -02D-