Açiq mənbələrdən foto.
Bakı/01.06.20/Turan: Ermənistanın baş naziri Nikol Paşinyan və ailəsi koronavirusa yoluxub. Bu barədə o, bu gün Facebook səhifəsində birbaşa efir zamanı bildirib.
“Təəssüf ki, testlərimizin nəticələri müsbətdir”, - Ermənistan hökumətinin başçısı bildirib.
Paşinyan qeyd edib ki, onun testinin nəticəsi bazar günü məlum olub. Onun sözlərinə görə, onda heç bir simptom olmayıb, amma ön cəbhəyə planlaşdırılmış səfərdən əvvəl koronavirus testindən keçmək qərarına gəlib.
Paşinyanın qeyd etdiyi kimi, onun ailə üzvləri – xanımı Anna Akopyan və üç qızında da simptomlar yoxdur. Xatırladaq ki, Paşinyanın oğlu hazırda orduda xidmət edir.
Baş nazir bildirib ki, öz iqamətgahında təcrid olunub və oradan da işləməyə davam edəcək.
Bu gün Nikol Paşinyanın 45 yaşı tamam olur, “Azadlıq radiosu” bildirib. -02D-
Siyasət
-
ABŞ prezidenti Donald Tramp helikopter və təyyarənin toqquşmasından bir neçə saat sonra, Ağ Evdə ilk mətbuat konfransını keçirib.
-
Fəal Clalə Cavadov saxlanılıb. Onunla saat 16.00-dan əlaqə kəsilib.
-
Bu gün Bakı Ağır Cinayətlər Məhkəməsində birinci qrup əlil, iflic fəal Famil Xəlilovun məhkəmə prosesi davam edib. İclasın əvvəlində elan edilib ki, bu iş üzrə şahid iclasa gələ bilməyəcək, buna görə proses fevralın 6-na təxirə salınıb.
-
Yanvarın 30-da Bakı Apellyasiya Məhkəməsi “Meydan TV işi” üzrə həbs edilmiş jurnalist Aytac Tapdığın şikayətini təmin etməyib. Bu barədə Turan-a vəkil Cavad Cavadov bildirib.
Rəy yaz