Bakı/01.06.20/Turan: Azərbaycan Xalq Cümhuriyyətinin 102-ci ildönümü ərəfəsində Moskvanın “Flinta” nəşriyyatı tarix elmləri doktoru, AMEA Arxeologiya və Etnoqrafiya İnstitutunun əməkdaşı Aydın Balayevin “Azərbaycanlılar. XIX-XX əsrlərdə millətin təşəkkülünün əsas mərhələləri” adlı monoqrfaiyasını nəşr edib.
Monoqrafiyada əcdadları əsrlər boyu Cənubi Qafqazın şərq hissəsində məskunlaşmış və tarixən onun əhalisinin əksəriyyətini təşkil etmiş azərbaycanlıların formalaşması yolları araşdırılır.
Müəllif Azərbaycan etnosunun təşəkkülünün əsas mərhələləri üzrə tarixi ekskursdan əlavə, XIX-XX əsrlərin qovuşuğunda azərbaycanlıların həyatında köklü sosial-iqtisadi və mədəni dəyişikliklərin işıqlandırılmasına diqqət yetirir.
Həmin dövrdə azərbaycanlıların milli identikliyinin təkamül prosesinin tədqiqi tarixçilər, etnoloqlar və geniş oxucu kütləsinə ünvanlanıb.-02D-
Mədəniyyət
-
Azərbaycanda ianə mədəniyyəti zəngin tarixi keçmişə malik olsa da, müasir dövrdə bu ənənənin qarşılaşdığı problemlər də az deyil. İanələrin hədəf auditoriyaya çatması ilə bağlı şəffaflıq məsələləri, insanların inamının azalması və davamlı dəstək mexanizmlərinin olmaması bu sahədə əsas problemlərdən biridir. Həmçinin, ianə mədəniyyətinin təbliğatının zəif olması cəmiyyətin daha geniş təbəqələrində bu anlayışın inkişafına mane olur. İanələrin sosial təsirini artırmaq üçün həm maarifləndirmə, həm də müasir həllər vacibdir.
-
Soyuq bir dekabr həftəsonunda, Bakının mərkəzində yerləşən Passage1901 məkanı yaradıcılıq, ticarət və icma ruhunun canlandığı bir məkan oldu. Yerli brendləri, sənətkarları və kiçik biznesləri dəstəkləməyə həsr olunmuş “Bizimkilər” Festivalı 14-15 dekabr tarixlərində uzun fasilədən sonra yenidən baş tutdu. İki gün davam edən yenilikçi proqramla festival bir daha sənət ifadəsi, yerli sahibkarlıq və xeyriyyəçilik üçün canlı bir platforma olduğunu sübut etdi.
-
Azərbaycanın ən sevilən sənət xadimlərindən birinə rəngarəng hörmət əlaməti olaraq, Mədəniyyət üzrə Elmi-Metodiki və İxtisasartırma Mərkəzi (MEMİM), Azərbaycan Dövlət Rəsm Qalereyası və Azərbaycan Rəssamlar İttifaqının birgə təşkilatçılığı ilə 13 dekabr 2024-cü il tarixində “Tablolarda Nağıllar” adlı sərgi-müsabiqəyə yekun vurdu. Bu tədbir, Xalq rəssamı Səttar Bəhlulzadənin nəsilləri ilhamlandırmağa davam edən ölməz yaradıcılığını qeyd etmək məqsədilə təşkil olunmuşdu.
-
25 noyabr – Qadınlara Qarşı Zorakılığın Aradan Qaldırılması üzrə Beynəlxalq Gün ilə başlayan və 10 dekabr – İnsan Hüquqları Günü ilə tamamlanan 16 günlük fəallıq kampaniyası qadınlara qarşı zorakılığın dayandırılması üçün qlobal çağırış platformasıdır. Bu müddətdə maarifləndirmə tədbirləri, hüquqi islahat təşəbbüsləri və ictimai kampaniyalar həyata keçirilir.
Rəy yaz