Nikola Sarkozi Bakıya niyə gəlib?
Bakı/16.01.19/Turan: Fransanın keçmiş prezidenti Nikola Sarkozinin gözlənilmədən Bakıya səfər etməsi hələlik izah olunmur.
Onun prezident İlham Əliyev və Mehriban Əliyeva ilə görüşləri zamanı konkret mövzu haqda danışılmayıb.
N.Sarkozi Fransız Universitetində bugünkü çıxışı zamanı səfərinin məqsədlərini açıqlamayıb.
Fransa səfirliyindən səfərin xarakteri və N.Sarkozini müşayiət edən şəxslər barədə məlumat almaq mümkün olmayıb.
Belə vəziyyətdə düşünmək lazım gəlir və bu da ona gətirib çıxarır ki, çox güman ki, N.Sarkozi Azərbaycanda maraqları olan hansısa maliyyə-sənaye qrupunun və ya hərbi-sənaye kompleksinin lobbiçisi rolunda çıxış edir.
Səfərin ideoloji tərəfinə gəlincə, xatırlatmaq istərdik ki, N.Sarkozinin prezidentliyi dövründə hökumət erməni soyqırımının inkar edilməsinə görə cinayət məsuliyyəti tətbiq etmişdi. Bu qanun parlament tərəfindən qəbul edilərək təsdiqlənmişdi. Lakin Fransa Konstitisiya Məhkəməsi tərəfindən ləğv edilmişdi.
Həmin vaxt Azərbaycanda və Türkuyədə yüksək səviyyədə Parisi ermənipərəst mövqedə ittiham edərək Fransanın ATƏT-in Minsk Qrupunun tərkibindən çıxarılmasını tələb etmişdilər.
O vaxtdan nəyin dəyişdiyini söyləmək çətindir, ancaq Parisə döndükdən sonra N.Sarkozinin gözlənilmədən Xocalı soyqırımı haqda danışması mümkündür.-02B-
-
- İqtisadiyyat
- 16 Yanvar 2019 15:44
-
- Makroiqtisadiyyat
- 16 Yanvar 2019 16:24
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz