Nils Muižnieks
Nils Muyjnieks vəkil Yalçın İmanovun səlahiyyətlərinin dayandırılmasına qəzəblənib
Strasburq/22.11.17/Turan: Avropa Şurasının insan hüquqları üzrə komissarı Nils Muyjnieks Azərbaycan Vəkillər Kollegiyasının məşhur vəkil Yalçın İmanovun səlahiyyətlərinin dayandırılması haqqında qərarı ilə bağlı narahatlığını bildirib.
Komissarın bəyanatında İmanovun insan hüquqlarının müdafiəsində fəal iştirak etdiyi qeyd edilir.
Muyjnieks qeyd edir ki, Kollegiyanın qərarı vətəndaşların hüquqlarının müdafiəsi fəaliyyətinə mənfi təsir göstərən digər addımlardan sonra verilib.
Belə ki, iki həftə əvvəl Azərbaycan prezidenti məhkəmələrdə nümayəndəliyi məhdudlaşdıran qanunu imzalayıb.
Muyjnieks qeyd edir ki, bu dəyişikliklər məhkəmələrdə vətəndaşların hüquqlarının müdafiəsinə mənfi təsir göstərəcək.
Komissar xatırladır ki, hələ ötən il öz hesabatında Azərbaycanda insan hüquqları sahəsində ixtisaslaşan və tanınmış hüquq müdafiəçilərini müdafiə edən hüquqşünaslara qarşı təzyiqlərin olduğunu vurğulamışdı.
O, Azərbaycan hakimiyyətini bu tendensiyanı bərpa etməyə və hüquqşünaslar üçün təqib qorxusu olmayan əlverişli mühit yaratmağa çağırır.
Noyabrın 20-də Vəkillər Kollegiyasının Rəyasət Heyəti Yalçın İmanovun səlahiyyətlərini dayandırıb və onun bu orqandan çıxarılması üçün məhkəməyə müraciət etməyə qərar verib. Buna vəkili ictimai sabitliyin pozulmasına yönəlmiş çağırışlarda ittiham edən Penitensiar Xidmətin müraciəti səbəb olub. İmanov isə bildirib ki, həbsxanada müvəkkilinə qarşı işgəncə faktlarını yaymaqla öz vəzifəsini yerinə yetirib.
Oktyabrın 31-də Ali Məhkəmənin müraciəti əsasında parlament qanunvericiliyə məhkəmələrdə vətəndaşları yalnız vəkillərin təmsil edə biləcəyi haqqında düzəliş edib. Buna qədər mülki və inzibati işlərdə proseslərə başqa şəxslər, o cümlədən Vəkillər Kollegiyasının üzvü olmayan hüquqşünaslar da gedə bilərdi.
Ekspertlərin fikrincə, ölkədə vəkillərin sayı 900-dən bir qədər çox olduğu bir şəraitdə vətəndaşlar kəskin müdafiəçi çatışmazlığı ilə üzləşəcəklər. -06D-
Siyasət
-
Mayın 19-da İran prezidenti Xudafərin və Qızqalası su elektrik layihələrinin işə salınması mərasimindən qayıdarkən, onun helikopteri Şərqi Azərbaycan vilayətinə sərt eniş edib.
-
Mayın 19-da iki ölkə prezidentləri İbrahim Rəisi və İlham Əliyevin iştirakı ilə İran-Azərbaycan sərhədində Araz çayı üzərində yerləşən “Xudafərin” və “Qızqalası” su elektrik komplekslərinin açılış mərasimi keçirilib.
-
Amerikalı senator Marko Rubio Azərbaycanda müxalif siyasətçi və iqtisadçı Qubad İbadoğluna qarşı cinayət işinin tam xitam verilməsinə çağırıb. Bu barədə senator X sosial platformasında yazıb. Rubio bildirib ki, İbadoğlunun işi bir daha “dünyada azadlıq və firavanlıq üçün cəsarətlə mübarizə aparan insanların üzləşdiyi mənasız təqibləri” xatırladır.
-
Gürcüstan prezidenti Salome Zurabişvili parlamentin qəbul etdiyi xarici agentlər haqqında qanun layihəsinə veto qoyub. O, bu barədə mayın 18-də iqamətgahında keçirdiyi brifinqdə məlumat verib.
Rəy yaz