Ali Məhkəmə İslam Partiyasının liderinin şikayətinə baxılmasını təxirə salıb

Bakı/22.11.17/Turan: Azərbaycan İslam Partiyasının (AİP) lideri Mövsüm Səmədovun saxlanma şəraitinin pisləşməsi və Qobustan həbsxanasına köçürülməsi ilə bağlı kassasiya şikayətinə baxılması dekabrın 6-na qədər təxirə salınıb.

Bunun səbəbi Səmədovun vəkilinin olmaması idi. Səmədovun hüquqlarını məşhur vəkil Yalçın İmanov müdafiə edirdi. Amma noyabrın 20-də Vəkillər Kollegiyası Penitensiar Xidmətin müraciətindən sonra onun səlahiyyətlərini dayandırıb. Beləliklə, Səmədov müdafiəçisiz qalıb.

Ali Məhkəmə iclası dekabrın 6-na təmin edib, həmin vaxta qədər Səmədova yeni vəkil tapılmalıdır, bu barədə məhkumun qohumları bildiriblər.

M.Səmədov 12 il müddətinə azadlıqdan məhrumetmə cəzasına məhkum edilib. O, 2011-ci ildə qanunsuz silah saxlama, konstitusiya quruluşunu dəyişdirməyə cəhd və digər cinayətlər törətmək ittihamı ilə saxlanılıb. Avropa İnsan Hüquqları Məhkəməsi onun işi üzrə kommunikasiyaya başlayıb.

2014-cü il oktyabrın 9-da Qaradağ rayon məhkəməsinin qərarı ilə o, 12 saylı cəzaçəkmə müəssisəsindən 2 illik Qobustan həbsxanasına köçürülüb. Səmədov 2016-cı il noyabrın 28-də 12 saylı cəzaçəkmə müəssisəsinə qayıdıb. Elə həmin gün o, 15 günlük karserə salınıb. Bunun ardınca müəssisə rəhbərliyi Səmədovun yenidən Qobustan həbsxanasına köçürülməsi haqqında təqdimat verib. 2017-ci il iyunun 14-də Qaradağ rayon məhkəməsi bu təqdimatı təmin edib. İyulun 17-də bu qərardan verilən apellyasiya şikayəti təmin edilməyib.

Mövsüm Səmədov siyasi məhbus kimi tanınıb. -06D-