president.az

president.az

Bakı/18.05.22/Turan: Çərşənbə günü  Bakıda Azərbaycan və  Litva prezidentləri İlham Əliyevlə Gitanas Nauseda iki ölkə nümayəndə heyətlərinin iştirakı ilə danışıqlar aparıblar.

İlham Əliyev qonaqları salamlayaraq deyib ki, təkbətək görüş zamanı Litva prezidenti ilə ikitərəfli əməkdaşlığa dair müxtəlif məsələləri, regional problemləri və Azərbaycanla Avropa İttifaqı arasında qarşılıqlı münasibətləri müzakirə edib. Bir çox məsələlərdə mövqelər üst-üstə düşüb.

“Biz ikitərəfli iqtisadi əməkdaşlığa nikbin baxırıq. Danışıqlar zamanı nümayəndə heyətlərinin üzvləri ikitərəfli sənədlər imzalayacaqlar, iki ölkənin biznes strukturları arasında birbaşa əlaqələr qurulacaq. Əməkdaşlığın potensial sahələri informasiya texnologiyaları, kənd təsərrüfatı, turizm, energetika, nəqliyyatdır”, - Əliyev bildirib.

Onun sözlərinə görə, Azərbaycanla Avropa İttifaqı arasında münasibətlərin inkişafı ilə bağlı qarşılıqlı anlaşma və Bakı bu məsələdə göstərdiyi dəstəyə görə Litvaya minnətdardır.

“Biz Litva prezidentinin Bakıdan Ermənistana yola düşəcəyini nəzərə alaraq, Azərbaycan və Ermənistan arasında münasibətlərin normallaşması məsələlərini də müzakirə etdik”, - Əliyev deyib və qeyd edib ki, Bakı Ermənistanla sülh müqaviləsi imzalamağa hazırdır. “Biz sülh bağlamaq və düşmənçilik səhifəsini qapatmaq istəyirik”, - Əliyev vurğulayıb.

Gitanas Nauseda cavabında deyib ki, regional təhlükəsizlik və ikitərəfli iqtisadi əməkdaşlıq məsələləri daha mühümdür. “Məhz buna görə də mənimlə birlikdə iqtisadiyyat, nəqliyyat, təhsil və kənd təsərrüfatı nazirlərinin müavinləri gəliblər. Biz ölkələrimiz arasında əmtəə dövriyyəsinin artırmağa ümid edirik”, - Litva lideri deyib və qeyd edib ki, maliyyə, informasiya texnologiyaları, qida məhsullarının istehsalı, biotexnologiya sahələrini əməkdaşlıq üçün prioritet sahələr hesab edir.

O, “çox yüksək standartların” olduğu Avropa İttifaqı bazarına çıxışı olan Litva məhsullarının yüksək keyfiyyətini vurğulayıb.”-02D-

Rəy yaz

Siyasət

Taksi sayı azaldılır, bəs köhnə taksiçilər nə ilə dolanacaqlar? – Rauf Ağamirzəyev Çətin sualda



Audio xəbər

Bizi sosial şəbəkələrdə izləyin

Xəbər lenti