![Вагиф Хачатурян](https://turan.az/resized/media/2023/main/080300065067-750-500-resize.webp)
Вагиф Хачатурян
Ombudsman Vaqif Xaçaturyana baş çəkib
Bakı/03.08.23/Turan: Avqustun 3-də ombudsman Səbinə Əliyeva İşgəncələrin Qarşısının Alınması üzrə Milli Preventiv Qrupun üzvləri, eləcə də tibb işçiləri və psixoloqlarla birlikdə Vaqif Xaçaturyana baş çəkib. O, xəstəxanalardan birinə yerləşdirilib.
O, iyulun 29-da Ermənistana keçmək istəyərkən "Laçın" sərhəd məntəqəsində saxlanılıb, belə ki, 1991-ci ildə Qarabağın Meşəli kəndində azərbaycanlılara qarşı cinayət törətməkdə ittiham olunaraq axtarışa verilib.
Ombudsman Aparatının məlumatında deyilir ki, Xaçaturyan saxlanıldığı andan humanist rəftar və yaxşı tibbi xidmət gördüyünü bildirib. Mənbənin məlumatına görə, Xaçaturyan yaxşı saxlanma şəraitinə, ailəsilə əlaqə yaratma imkanına görə təşəkkür edib.
Başçəkmə zamanı saxlanma, tibbi xidmət və qidalanma şəraiti yoxlanılıb.
Xatırladaq ki, Vaqif Xaçaturyana qarşı adamları zorla qovmaq və qətllərdə iştirak ittihamı ilə bir neçə maddə üzrə cinayət işi açılıb.
Erməni qüvvələrinin Meşəli kəndini işğalı zamanı 25 dinc sakin qətlə yetirilib, kəndin özü isə yandırılıb. Kəndin bir neçə yüz sakini, etnik azərbaycanlılar qaçaraq xilas olmağa məcbur olublar. 02D
-
- İqtisadiyyat
- 3 Avqust 2023 12:36
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz