Açiq mənbələrdən foto.
Bakı/25.08.23/Turan: Avqustun 24-də Azərbaycan ombudsmanı yanında Milli Preventiv Qrupun üzvləri erməni hərbçi Qaqiq Voskanyana baş çəkiblər. Ermənistan Silahlı Qüvvələrinin kəşfiyyat-təxribat qrupunun üzvü kimi o, avqustun 16-da Kəlbəcər rayonu ərazisində saxlanılıb.
Ombudsman aparatının məlumatında deyilir ki, Milli Preventiv Qrupun üzvləri Voskanyanın saxlanma şəraiti, onunla rəftar, tibbi yardım imkanları, onun hüquqlarının təmin edilməsilə tanış olublar.
Məlumata görə, Voskanyan saxlanma şəraitindən şikayət etməyib, tibbi xidmətdən razı qalıb. O, öz hüquqları barədə məlumatlandırılıb, insan hüquqları sahəsində beynəlxalq aktlar öz ana dilində ona təqdim edilib. 06B
Siyasət
-
Yeni Kaledoniya Konqresinin yeni seçilmiş prezidenti Veilma Faleo Azərbaycanla əməkdaşlıq haqqında mübahisəli sazişin ləğv olunduğunu elan edib. Bu ilin əvvəlində Faleonun sələfi Ro Vamitan tərəfindən imzalanmış saziş Yeni Kaledoniyanın Fransadan müstəqilliyi uğrunda mübarizəsinin dəstəklənməsinə yönəlmişdi. Lakin bu addım Fransa hökumətinin kəskin reaksiyasına səbəb oldu və Azərbaycanı onun xarici ərazilərinə müdaxilədə və separatçı ambisiyaları qızışdırmaqda ittiham etdi.
-
Azərbaycan Xalq Cəbhəsi Partiyasının (AXCP) Suraxanı rayon şöbəsinin fəalı Tehran Abdullayev oktyabrın 15-də saxlanılıb. AXCP fəalının saxlanılmasından yalnız 3 gün sonra xəbər tutub.
-
Oktyabrın 18-də Bakının Səbail Rayon Məhkəməsində gənc tədqiqatçı Bəhruz Səmədovun saxlanıldıqdan sonra ona qarşı fiziki təzyiqlə bağlı araşdırmanın nəticəsinin olmamasına dair şikayətinə baxılıb.
-
Qərb Cənubi Qafqazda öz maraqlarını güdür, proseslərə müdaxilə etməyə çalışır, bu da region üçün təhdid təşkil edir. Bu barədə Rusiyanın XİN başçısı Sergey Lavrov oktyabrın 18-də İstanbulda 3+3 platformasının iclasının yekunlarına həsr olunmuş mətbuat konfransında bildirib.
Rəy yaz