Operativ Qərargah: Karantin rejimi uzadılacaq, aviareyslər isə iyunun 15-dən sonra bərpa edilə bilər

Bakı/22.05.20/Turan: Karantin rejimi tədbirləri iyunun 1-dən sonra da uzadılacaq. Bu TƏBİB- in rəhbəri Ramin Bayramlı Operativ Qərargahın brifinqində bildirib.

O, iyunun 15-dən sonra beynəlxalq aviareyslərin bərpa olunacağını istisna etməyib.

Böyük ticarət mərkəzlərinin işinə gəlincə, bu məsələ “gündəlikdə durur”, - o bildirib. Bu məsələlərin həlli epidemioloji vəziyyətdən asılı olacaq.

O, yay mövsümünün açılışı ilə əlaqədar çimərliklərdə “sosial məsafə”nin təmin edilməsi üçün tədbirlərin hazırlandığını bildirib. Analoji tədbirlər idman zallarının da açılması ilə bağlı hazırlanır.

Lakin iyunda toyların keçirilməsi qadağan olunacaq.

Bundan əlavə, bazar günləri küçələrə çıxışın məhdudlaşdırılması üzrə qaydalar hazırlanır.

R.Bayramlı bildirib ki, çarter reysləri ilə  ölkəyə qayıdanların arasında yoluxanlar 20% – dən 30% - ə qədərdir.

Yoluxanların 47%-i Bakıda, 10,8%-i Mərkəzi Aran rayonlarında, 9,8% Lənkəranda, 8,1% Abşeron rayonunda, 1,4% Quba - Xaçmaz bölgəsində, 1,1%  Qarabağ zonasında, 0,8% Şirvanda, 0,7% Şəki - Zaqatala zonasında və 0,1%  Naxçıvandadır.

Yoluxmuş şəxslərin 6,9%-ni xaricdən gələnlər təşkil edir, - Ramin Bayramov bildirib. 16D-