Bakı/09.04.29/Turan: Azərbaycan əhalisinin 95%-dən çoxu prezident İlham Əliyevin fəaliyyətini müsbət qiymətləndirir. Fransanın Opinion Way şirkətinin martda keçirdiyi sorğunun nəticələri belədir.
Sorğu Naxçıvan Muxtar Respublikası istisna olmaqla, bütün bölgələrdə keçirilib, şirkətin rəhbəri Bruno Canbar bugünkü mətbuat konfransında bildirib.
Respondentlərin 75%-i İ.Əliyevin öz seçkiqabağı vədlərini yerinə yetirməsilə bağlı suala müsbət cavab verib. Cəmi 5,8% hesab edir ki, vədlər yerinə yetirilməyib, 4,2% cavab verməyə çətinlik çəkib.
Respondentlərin 78,8%-i İ.Əliyevin kadr siyasətini müsbət qiymətləndirib. Rəyi soruşulanların 43,3%-i kadr siyasətindən tamamilə razıdır, 35,5% əsasən razıdır.
Respondentlərin 75,6%-i dövlət başçısının korrupsiya əleyhinə tədbirlərini təqdir edir.
Əgər bu gün Azərbaycanda prezident seçkiləri keçirilsəydi İ.Əliyev seçicilərin 83-85% səsini alardı, Opinion Way bildirib.
Sorğunun nə münasibətlə keçirilməsi, kim tərəfindən maliyyələşdirilməsi və niyə məhz Fransa şirkəti tərəfindən keçirilməsi məlum deyil. -06D--
Siyasət
-
Yanvarın 22-də Davosda İqtisadi Forum çərçivəsində Azərbaycan və Ukrayna prezidentlərinin görüşü olub.
-
On beynəlxalq hüquq-müdafiə təşkilatı Avropa Şurası Parlament Assambleyasının üzvlərinə müraciət edərək Azərbaycanın bu qurumda səlahiyyətlərinin dayandırılmasını təsdiqləməyə və onların bərpası üçün dəqiq meyarları müəyyən etməyə çağırıb.
-
Nyu-Yorkda yerləşən Jurnalistləri Müdafiə Komitəsi Azərbaycan hakimiyyətinin “Toplum” TV-nin jurnalistlərinə qarşı altı yeni ittiham irəli sürmək qərarını və bu nəşrin daha bir müxbirinin həbsini pisləyib.
-
Yanvarın 21-də Tehranda keçirilən görüşdə İran prezidenti Məsud Pezeşkian və Azərbaycan baş nazirinin müavini Şahin Mustafayev iqtisadi sahədə ikitərəfli münasibətlərin möhkəmləndirilməsi məsələlərini müzakirə ediblər.
Rəy yaz