Bakı/18.05.18/Turan: Rəsmi Bakı özünü elə aparır ki, sanki AŞPA-da Azərbaycan nümayəndə heyətinin rəhbəri Səməd Seyidova qarşı tətbiq edilən sanksiyanın heç bir əhəmiyyəti yoxdur. Bu barədə cümə günü Milli Məclisin plenar iclasında spiker Oqtay Əsədov bildirib.
O, AŞPA sanksiyalarının əhəmiyyətini şişirtməməyə çağırıb. Halbuki, sanksiya S.Seyidovun mandatının və AŞ tədbirlərində iştirakının dondurulmasını nəzərdə tutur.
O.Əsədovun sözlərinə görə, birinci dəfə deyil ki, AŞPA Azərbaycana qarşı sankiyalara dair qərar qəbul edir. Onlar ədalətsizdir, ancaq onların önəmini şişirtmək lazım deyil. S.Seyidov AŞPA-nın işində iştirakını davam etdirəcək.
Sonra O.Əsədov ermənipərəst qüvvələrin təsirinə görə AŞPA-nın bir dəfə də olsun Qarabağ münaqisəsini müzakirə etməməsi barədə ənənəvi və yalnış tezisi təkrarlayıb.
Görünür, O.Əsədov dövlət başçısı İlham Əliyevin çıxışlarını diqqətlə dinləmir. Belə ki, İ.Əliyev AŞPA-nın Azərbaycanın ərazi bütövlüyünün tanınması ilə bağlı qətnaməsini yüksək qiymətləndirib.
Eyni zamanda Azərbaycan hökumətinin nümayəndələri Azərbaycanda insan hüquqlarının pozulmasına dair qətnamənin qarşısının alınması üçün AŞPA deputatlarına milyonlarla avronun ödənilməsi barədə konkret ittihamlara cavab vermirlər.-02D-
Siyasət
-
Qazaxıstanın Mangistauski rayonunda yerləşən məhkəmə, blogger Azamat Sarsenovu Aktau şəhərində Embraer 190 sərnişin təyyarəsinin qəzasının baş verdiyi yeri çəkdiyi üçün 10 günlük həbs cəzasına məhkum edib. Bu qərar məhkəmənin mətbuat xidməti tərəfindən təsdiqlənib, RBC-nin məlumatına görə.
-
AZAL-a məxsus sərnişin təyyarə qəzasında həlak olanların ailələrinə 40 min manat ödəniləcək.
-
Dekabrın 26-da Ramzan Kadırov Çeçenistan Təhlükəsizlik Şurasının katibi vəzifəsini tutan qardaşı oğlu Xamzat Kadırovu “Çeçenistan Respublikası qarşısında xidmətlərinə görə” medalı ilə təltif edib.
-
"Təyyarə Rusiya ərazisində, Qroznı səmasında vurulub. Bunu inkar etmək qeyri-mümkündür", - bunu yerli və beynəlxalq medialarda mənbələrə istinadən Bakı-Qroznı marşrutu üzrə hərəkət edən "Azərbaycan Hava Yolları"nın təyyarəsinin Rusiya havadan hücum müdafiə sistemləri tərəfindən vurulması ilə bağlı xəbərini Turana şərh edərkən deputat Rasim Musabəyov deyib.
Rəy yaz