Zakir Hasanov
Bakı/10.12.22/Turan: Dekabrın 10-da Azərbaycan Müdafiə Nazirliyinin kollegiya iclasında Kəlbəcər, Laçın və Daşkəsən rayonlarında, həmçinin Rusiya sülhməramlı kontingentinin müvəqqəti yerləşdiyi ərazilərdə vəziyyət müzakirə edilib.
Müvafiq göstərişlər, o cümlədən Qarabağda qanunsuz erməni silahlı birləşmələrinin fəaliyyətinə daimi müşahidə və nəzarətin daha da gücləndirilməsi ilə bağlı tapşırıqlar verilib, Azərbaycan Müdafiə Nazirliyinin mətbuat xidməti bildirib.
İclasda Azərbaycan-Türkiyə birgə təlimlərinin nəticələri də təhlil edilib. Bu həftə Bakı, eləcə də Astara, Cəbrayıl və İmişli rayonlarında keçirilən “Qardaş yumruğu” təliminin xüsusi əhəmiyyəti qeyd edilib, təlimlər zamanı bütün tapşırıqların uğurla yerinə yetirildiyi bildirilib.
Müdafiə naziri Zakir Həsənov bildirib ki, Azərbaycan-Türkiyə birgə təlimləri regionda sülhün və təhlükəsizliyin təmin olunmasına töhfə verir. 06B
Siyasət
-
“Abzas Media”nın bir ildir əsassız ittihamlarla həbsdə saxlanılan jurnalistləri Nərgiz Absalamova, Sevinc Vaqifqızı, Elnarə Qasımovanın Bakı İstintaq Təcridxanasında zorakılığa məruz qalmaları barədə yeni detallar məlum olub.
-
Azərbaycan Respublikasının Prezidenti İlham Əliyev noyabrın 17-də ABŞ Nümayəndələr Palatasının üzvü Avqust Pflügerin başçılıq etdiyi nümayəndə heyəti ilə görüşüb. Görüşdə COP29-un gündəmində olan məsələlər müzakirə edilib.
-
Azərbaycan Prezidenti İlham Əliyev Ermənistanın hərbi-sənaye və silahlanma siyasətini tənqid edərək, bunu regional sülh və sabitlik üçün təhdid kimi xarakterizə edib. "Sülh sazişi imzalamaq üçün Ermənistan Konstitusiyasında Azərbaycana qarşı ərazi iddialarına son qoymaq vacibdir," deyə Əliyev noyabrın 17-də ABŞ Konqresinin Nümayəndələr Palatasının üzvü Avqust Pflügerin rəhbərlik etdiyi nümayəndə heyəti ilə görüşdə bildirib.
-
İsrail prezidenti İsaak Hersoqun Bakıda keçirilən COP29 iqlim konfransına planlaşdırılan səfəri Türkiyə prezidentin təyyarəsinin uçuşuna icazə vermədiyi üçün ləğv edilib, - deyə bazar günü, noyabrın 17-də Azərbaycan və İsraildəki mənbələr bildiriblər.
Rəy yaz