Parlament “Dostluq” yatağı ilə bağlı memorandumu ratifikasiya edib

Bakı/23.02.21/Turan: Fevralın 23-də Azərbaycan Parlamenti Azərbaycan və Türkiyə arasında “Dostluq” (keçmiş “Kəpəz”) dəniz neft-qaz yatağının işlənməsi ilə bağlı qarşılıqlı anlaşma Memorandumunu təsdiq edib.

Memorandum yanvarın 21-də Aşqabadda hökumətlərarası iclas zamanı iki ölkənin xarici işlər nazirləri tərəfindən imzalanıb.

Bu yataq uzun illərdir iki ölkə arasında mübahisə və hətta münaqişə səbəbi olaraq qalırdı.

1997-ci ildə Azərbaycan Rusiyanın LUKoil şirkəti ilə bu yatağın işlənməsi ilə bağlı müqavilə bağlayıb, amma Türkmənistanın etirazları səbəbindən saziş ləğv edilib.

Hazırki memoranduma əsasən, tərəflərin müqavilədə pay iştirakı belədir: Azərbaycan 30%, Türkmənistan 70%.

Mütəxəssislərin proqnozlarına görə, yataqda net ehtiyatları 50-70 mln. ton olaraq qiymətləndirilir. Memorandumda yataqdan çıxarılan neftin Azərbaycanın infrastrukturu vasitəsilə bazarlara nəql ediləcəyi nəzərdə tutulur. -05D-