![Açiq mənbələrdən foto.](https://turan.az/resized/750/500/resize/media/2021/main/101500039575.jpg)
Açiq mənbələrdən foto.
Parlament Müstəqillik Günü haqqında qanun qəbul edib
Bakı/15.10.21/Turan: Bu gün Azərbaycan parlamenti “Müstəqillik Günü haqqında” qanunu üçüncü oxunuşda qəbul edib. Qanunun qəbul edilməsinin əleyhinə yalnız bir deputat səs verib.
Sənədə əsasən, əvvəllər “Respublika Günü” kimi qeyd olunan 28 may “Müstəqillik Günü” elan edilir.
28 aprel 1920-ci il tarixində Sovet Rusiyası tərəfindən işğal edilənə qədər mövcud olan Azərbaycan Xalq Cümhuriyyəti 1918-ci ilin həmin günündə elan edilib.
Əvvəllər 1991-ci ildə Azərbaycanın müstəqilliyi haqqında konstitusiya aktının qəbul edilməsi ilə əlaqədar oktyabrın 18-də qeyd edilən “Dövlət Müstəqilliyi Günü” isə artıq “Müstəqilliyin Bərpası Günü” adlandırılacaq.
28 may əvvəlki kimi qeyri-iş günü, 18 noyabr isə iş günü hesab olunacaq.
Hakimiyyət hələ də bu yeniliklərin edilməsi zərurəti ilə bağlı aydın açıqlama verməyib.
Müxalifət bayramların adlarının dəyişdirilməsini tənqid edib. Hakimiyyətin tənqidçiləri 28 May bayramından “Respublika” sözünün çıxarılmasının yersiz olduğunu qeyd edirlər, belə ki, bu söz Azərbaycanın hələ 20 il əvvəl respublika idarəetmə formasını seçdiyini vurğulayırdı. Bundan başqa, bu, müsəlman şərqində ilk respublika idi.
Müxalifətçilər hesab edirlər ki, hakimiyyət respublika idarəetmə formasının əhəmiyyətini qəsdən kiçildir və təcrübədə respublika dəyərlərindən imtina edir.
Yeniliklərdən sonra bir sıra etiraz aksiyaları keçirilib, polis bu aksiyaların qarşısını alıb. -06D-
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz