Açiq mənbələrdən foto.
Parlamentdə qaz sayğacları ilə bağlı məsələ qaldırılıb
Bakı/12.02.21/Turan: Milli Məclisin deputatı Azay Quliyev parlamentin bugünki iclasında qaz sayğacları üzrə işçi Qrupunun yaradılmasını təklif edib. Bunu çox sayda vətəndaşların şikayətlərilə izah edib.
"Mexaniki və elektron sayğacların göstəriciləri faktiki sərfiyyatdan fərqlənir, nəticədə vətəndaşlar istifadə olunandan daha çox pul ödəməyə məcbur olur", - A.Quliyev deyib.
Deputat diqqəti ona yönəldib ki, sayğaclar sakinlərə mənzil kooperativləri tərəfindən qanunsuz olaraq satılır.
"Azəriqaz"ın və QHT-nin nümayəndələrindən ibarət komissiya yaradılmalı, məsələ birgə və şəffaf araşdırılmalıdır.
"Bundan əlavə, şəffaflığın artırılması və ictimai nəzarətin təmin edilməsi üçün bütün kommunal müəssisələr, xüsusilə də təbii inhisarlarda ictimai şuralar yaradılmalıdır. Qanun yalnız mərkəzi, yerli hakimiyyət orqanları və yerli özünüidarə qurumları yanında ictimai şuraların yaradılmasını tələb edir. Lakin zəruri hallarda qanunvericiliyə ictimai nəzarət mexanizmini və kommunal xidmətləri nəzərdə tutan dəyişikliklər edilə bilər. Hesab edirəm ki, biz bu dəyişikliyi qanunvericiliyə daxil etməliyik", - o deyib.
Bu yaxınlarda "Azəriqaz" İB-nin Smart qaz sayğaclarını mexaniki sayğaclarla əvəzləməsi istehlakçıların narazılığına səbəb olub. Mexaniki sayğaclar qaz sərfiyyatı ilə bağlı şişirdilmiş göstəriciləri qeydə alır. Ekspertlər də mexaniki sayğaclara keçidi tənqid ediblər.–06D-
-
- Siyasət
- 12 Fevral 2021 21:33
Siyasət
-
Mayın 19-da İran prezidenti Xudafərin və Qızqalası su elektrik layihələrinin işə salınması mərasimindən qayıdarkən, onun helikopteri Şərqi Azərbaycan vilayətinə sərt eniş edib.
-
Mayın 19-da iki ölkə prezidentləri İbrahim Rəisi və İlham Əliyevin iştirakı ilə İran-Azərbaycan sərhədində Araz çayı üzərində yerləşən “Xudafərin” və “Qızqalası” su elektrik komplekslərinin açılış mərasimi keçirilib.
-
Amerikalı senator Marko Rubio Azərbaycanda müxalif siyasətçi və iqtisadçı Qubad İbadoğluna qarşı cinayət işinin tam xitam verilməsinə çağırıb. Bu barədə senator X sosial platformasında yazıb. Rubio bildirib ki, İbadoğlunun işi bir daha “dünyada azadlıq və firavanlıq üçün cəsarətlə mübarizə aparan insanların üzləşdiyi mənasız təqibləri” xatırladır.
-
Gürcüstan prezidenti Salome Zurabişvili parlamentin qəbul etdiyi xarici agentlər haqqında qanun layihəsinə veto qoyub. O, bu barədə mayın 18-də iqamətgahında keçirdiyi brifinqdə məlumat verib.
Rəy yaz