Yerevan/11.10.18/Turan: France24 kanalına müsahibəsində Ermənistan baş naziri Nikol Paşinyan Azərbaycan prezidenti İlham Əliyevlə Düşənbədəki söhbətini xatırladıb.
O qeyd edib ki, münaqişənin nizamlanması yollarını müzakirə etməyib. "Cənab Əliyevlə müzakirə etdiyimiz Qarabağ münaqişəsinin həlli deyildi. Əslində biz sülh danışıqlarına imkan verəcək vəziyyəti necə yarada biləcəyimizi müzakirə etdik", deyən Paşinyan əlavə edib ki, məsələnin həllinə nail olmaq üçün şərait olmadan bu barədə danışmaq olmaz.
Paşinyan qeyd edib ki, onlar Düşənbədə vəziyyətin hansısa həllə keçmək üçün həddindən artıq gərgin olması faktını qeyd ediblər.
Danışıqlar prosesinin ATƏT-in Minsk qrupunun həmsədrliyi çərçivəsində aparılmalı olduğunu təsdiq edən Paşinyan deyib: "Format heç vaxt danışıqlar mövzusu olmayıb və biz heç bir dəyişiklik tələb etmirik".
Bakının mövqeyinə toxunan Paşinyan Azərbaycanı Qarabağ nümayəndələri ilə danışmaq istəməməkdə ittiham edib.
"Qarabağ necə Azərbaycanın tabeliyində ola bilər ki, Azərbaycan onlarla, Qarabağ xalqı ilə danışmaq belə istəmir? Bu, açıq-aşkar Azərbaycana Qarabağdan məhz nə lazım olduğunu göstərir: xalqı deyil, torpağı almaq. Onların əsas dərdi Qarabağı sakinlərindən təmizləmıkdir", deyə Paşinyan bildirib. -02D-
Siyasət
-
COP29 iqlim sammitində əldə edilən razılaşma BMT Baş Katibi Antoniu Quterreş tərəfindən iqlim dəyişikliyinə qarşı qlobal səylərdə mühüm addım kimi qiymətləndirilib. Yüksək səviyyəli müzakirələrin yekununda çıxış edən Quterreş, bu razılaşmanın qlobal istiləşməni 1,5°C həddində saxlamaq məqsədini qorumaq üçün həlledici olduğunu vurğulayıb. Bu hədd iqlim dəyişikliyinin ən pis təsirlərini qarşısını almaq üçün kritik hesab olunur.
-
Noyabrın 23-də Bakıda BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasının (COP29) keçirildiyi məkanda müxtəlif ölkələrdən olan ekofəlallr liderlərin kifayət qədər iqlim maliyyəsi ödənilməsi barədə razılığa gələ bilməməsinə etiraz olaraq aksiya keçirib.
-
Bakıda COP29 iqlim konfransının bağlanışı ərəfəsində Beynəlxalq Jurnalistləri Müdafiə Komitəsi Azərbaycanda həbs olunmuş jurnalistlərin cinayət işlərinə diqqəti yönəldib.
-
Bakıda keçirilən BMT-nin İqlim Dəyişikliyi üzrə Çərçivə Konvensiyasının (UNFCCC) 29-cu sessiyası üzrə danışıqlar 24 noyabr tarixinə qədər uzadılıb. Bu barədə UNFCCC Katibliyindən bir mənbə Turan informasiya agentliyinə məlumat verib. Mənbənin sözlərinə görə, iştirakçılar həmin tarixə qədər yekun sənədləri razılaşdırıb imzalamağı planlaşdırırlar.
Rəy yaz