Paşinyan lənətlənəcəyi sülhə imza atmağa hazırdır
Bakı/14.09.22/Turan: Ermənistanın baş naziri Nikol Paşinyan çərşənbə günü bildirib ki, sentyabrın 12-13-də hərbi əməliyyatlar nəticəsində Azərbaycan 10 kv, kilometr Ermənistan ərazisi "işğal edib". Bundan əvvəl isə bu il mayın 12-də Azərbaycan daha 40 kvadrat kilometr ərazini “ələ keçirib”. O, bunu parlamentin deputatları qarşısında çıxışı zamanı deyib.
“Mən sülh naminə çətin qərarlar vermək məsuliyyətini öz üzərimə götürdüm. Amma çətin qərarlar Ermənistanın dövlət maraqlarına zidd qərarlar demək deyil. Biz Ermənistan Respublikasında təhlükəsizliyin, davamlı sabitliyin və sülhün təmin edilməsi üçün qərarlar qəbul etməliyik”, - o bildirib.
"Biz elə sənəd imzalamaq istəyirik ki, buna görə çoxları bizi tənqid edəcək, çoxları söyəcək, çoxları bizi "satqın" adlandıracaq, hətta xalq bizi hakimiyyətdən uzaqlaşdırmaq qərarına gələ bilər. Lakin biz istəyirik ki nəticədə 29 800 kvadrat kilometr əraziyə malik Ermənistan Respublikası davamlı sülh və təhlükəsizlik əldə edəcək.
Bunun təmin edəcəyi sənədi, açıq deyirəm, imzalayacağam. Mənim başıma nə gələcəyi maraqlandırmır, vacibi - Ermənistanın başına nə gələcək”, - Paşinyan bildirib.
O, vurğulayıb ki, Azərbaycan “ələ keçirilən” torpaqları azad etməsə, Ermənistan sülh sazişi imzalamayacaq. O, həmçinin qeyd edib ki, Ermənistanla Azərbaycan arasındakı sərhəd SSRİ sərhədlərindən keçməlidir.
O, daha sonra bəyan edib ki, Ermənistan heç bir halda öz ərazisindən dəhliz yaratmayacaq. Eyni zamanda, Brüsseldə keçirilən görüşdə Ermənistan kommunikasiyaların açılması ilə bağlı təkliflərini Azərbaycana təqdim edib, deyən Paşinyan onların detallarını açıqlamayıb.-02B-
-
- Qafqaz
- 14 Sentyabr 2022 21:00
Siyasət
-
Mayın 10-da dövlət başçısı Şuşaya gəlib, burada tikinti və bərpa işləri ilə tanış olub. Əliyev birinci yaşayış kompleksinin açılışında iştirak edib və şəhərə köçmüş ilk sakinlərlə söhbət edib.
-
Mayın 10-da Almatıda Qazaxıstan XİN-in vasitəçiliyi ilə Azərbaycan və Ermənistan XİN başçılarının görüşü başlayıb.
-
Bu gün Bakı Apellyasiya Məhkəməsi "Abzas Media-nın işi" üzrə qaçaqmalçılıqda ittiham olunan jurnalist Elnarə Qasımovanın ev dustaqlığına buraxılmasından imtina ilə bağlı şikayəti təmin etməyib.
-
Mayın 10-da ABŞ-ın Azərbaycandakı səfiri Mark Libbi bu yaxınlarda ev dustaqlığına buraxılan doktor Qubad İbadoğlu ilə görüşüb.
Rəy yaz