Paşinyan Vyanada Əliyevi Qarabağla danışıqlar aparmağa razı salmaq niyyətindədir

Bakı/27.03.19/Turan: Martın 29-da Vyanada Azərbaycan prezidenti ilə keçiriləcək görüşümüzün konkret gündəliyi yoxdur, bu barədə bu gün Ermənistan parlamentində baş nazir Nikol Paşinyan bildirib.

"Biz sadəcə olaraq müxtəlif məsələlər ətrafında fikir mübadiləsi aparmalıyıq, hesab edirəm ki, müzakirələr əvvəllər dilə gətirilmiş fikirlər çərçivəsində keçiriləcək", deyə o qeyd edib.

Paşinyanın sözlərinə görə, Stepanakertdə Təhlükəsizlik Şurasının birgə iclasında elan edilən danışıqların və müzakirələrin aparıldığı gündəlikdir. "Bu, bütün gələcəkdanışıqlar prosesləri üçün platformadır", deyə o bildirib.

Deputatlardan birinin Qarabağın danışıqların tərəfi kimi danışıqlar prosesinə cəlb edilməsi məsələsinin də gündəlikdə olduğunu ehtimal etmək olar? - sualına cavabda Paşinyan təsdiq cavabı verib.

"Bunun guya danışıqlar formatının dəyişdirilməsi olması barədə təfsir mövcuddur, amma bu, belə deyil. Danışıqlar formatı ATƏT-in Minsk Qrupu və həmsdərlikdir", deyə Tert.am saytı Paşinyandan sitat gətirir. -02D-