Nikol Pashinyan
Bakı/21.10.20/Turan: Qarabağ məsələsinin indiki mərhələdən başlayaraq hələ çox uzun müddətə diplomatik həlli olmayacaq. Bu barədə bu gün Ermənistanın baş naziri Nikol Paşinyan Facebook səhifəsində canlı yayımda bildirib.
O deyib ki, diplomatik həll ilə bağlı bütün ümidləri və təklifləri başa çatmış hesab etmək lazımdır. Paşinyanın fikrincə, erməni tərəfi kompromislərə hazır idi, amma Azərbaycan bunu etmədi.
“Kompromis o deməkdir ki, problemi həll etmək üçün tələblərin həddini endirə bilərsən, ancaq qarşı tərəf də öz həddini azaltmalıdır. Lakin artıq Azərbaycan bizim razı olduğumuz və ya razı ola biləcəyimiz ilə razı deyil. Bu, onu göstərir ki, hazırkı mərhələdə diplomatik həlldən danışmaq mənasızdır”, - Paşinyan Yerevanın nəyə razı olduğunu dəqiqləşdirməyib.
Bu gün Paşinyan İranın İRNA nəşrinə müsahibəsində etiraf edib ki, ATƏT-in Minsk Qrupuna həmsədrlik edən ölkələr baş verən hadisələrə təsir göstərə bilmirlər. “Onlar bəyanatlar verirlər, mövqe bildirirlər, amma bu, vəziyyətə heç cür təsir göstərmir”, - Paşinyan etiraf edib. -02D-
Siyasət
-
Dekabrın 28-də fəal Bəxtiyar Hacıyevin işi üzrə prosesdə dövlət ittihamçısı onun 11 il azadlıqdan məhrumetmə cəzasına məhkum edilməsini istəyib. Müdafiə tərəfi bununla razı deyil və fəala bəraət verilməsində israr etmək niyyətindədir. Növbəti iclas yanvarın 6-na təyin edilib.
-
Dekabrın 25-də AZAL-a məxsus təyyarə qəzasını araşdırmaq üçün türkiyəli ekspertlərdən ibarət istintaq qrupu Bakıya gəlib.
-
Cümə günü Birləşmiş Ştatlar demokratiya xələl gətirdiyinə görə gürcü milyarder Bidzina İvanişviliyə - ölkənin faktiki liderinə qarşı sanksiyalar tətbiq edib. Sanksiyalar İvanişviliyə məxsus olan bütün Amerika aktivlərini dondurur, bu barədə cümə günü ABŞ Dövlət Departamentinin və Maliyyə Nazirliyinin nümayəndələri jurnalistlərə bildiriblər. Yeni tədbirlərlə İvanişviliyə məxsus olan qurumların iştirakı ilə həyata keçirilən tranzaksiyalar da dayandırılacaq. Xəbəri Turan-ın müxbiri verib. Dövlət katibi Entoni Blinken bildirib ki, İvanişvili və onun partiyası "Gürcüstanın Avroatlantik gələcəyinə mane olaraq" onu "Gürcüstan ərazisinin 20 faizindən çoxunu işğal altında saxlamaqda davam edən" Rusiya qarşısında müdafiəsiz qoyub.
-
Çeçenistan, Baki-Qroznı marşrutu üzrə hərəkət edən Embraer 190 təyyarəsinin qəzaya uğraması ilə əlaqədar 28 dekabr tarixində matəm günü elan edəcək. Çeçen lideri Ramzan Kadırov tərəfindən imzalanmış fərman yerli "Çeçenya Today" xəbər agentliyi tərəfindən bildirilib.
Rəy yaz