Bakı/04.09.19/Turan: Rusiya Təhlükəsizlik Şurasının katibi Nikolay Patruşev Bakıda Azərbaycan TŞ-nin katibi Ramil Usubovla terrorizmə və ekstremizmə qarşı mübarizə, habelə kibertəhlükəsizlik sahəsində əməkdaşlıq məsələlərini müzakirə edib. Bu barədə RF TŞ-nin mətbuat xidməti məlumat yayıb.
"Hər iki ölkənin bir sıra nazirlik və idarələrinin nümayəndələrinin iştirakı ilə keçirilən ekspert məsləhətləşmələri zamanı terrorizm və ekstremizmə qarşı mübarizə sahəsində qanunvericiliyin təkmilləşdirilməsinə, habelə informasiya təhlükəsizliyinin təmin edilməsi sahəsində əməkdaşlığa xüsusi diqqət yetirilib", xəbəri TASS yayıb.
Patruşev həmçinin Usubovu Azərbaycan TŞ-nin katibi vəzifəsinə təyin edilməsi münasibətilə təbrik edib və iki ölkə arasında təhlükəsizlik şurası aparatları, güc qurumları və hüquq-mühafizə orqanları xəttilə sıx əlaqələrin davam etdiriləcəyindən əminliyini bildirib.
Patruşev iki ölkə arasında iqtisadi və humanitar əməkdaşlığın müsbət tempini qeyd edib, Rusiya-Azərbaycan sərhədində birgə infrastruktur layihələrinin həyata keçirilməsinin və hərbi-texniki əməkdaşlığın daha da inkişaf etdirilməsinin əhəmiyyətini vurğulayıb. -02D-
Siyasət
-
Yanvarın 29-da keçiriləcək bələdiyyə seçkilərində 23 saylı Nəsimi-Səbail dairəsindən namizəd, fəal Cəmilə Əlişova onun kampaniya keçirməsinə inzibati əngəllərin yaradıldığını bildirir.
-
Yanvarın 15-də Tbilisi Apellyasiya Məhkəməsi Azərbaycana ekstradisiyasına etiraz edən Azel TV saytının təsisçisi Əfqan Sadıqovun şikayətini təsdiq etməyib.
-
Demokratik Qüvvələrin Milli Şurasının üzvü Cəmil Hacıyev polis tərəfindən ona qarşı təzyiqin davam etdiyini bildirib.
-
Yanvarın 15-də Yasamal Rayon Məhkəməsi Siyasi Menecment İnstitutunun direktoru Azər Qasımlı barəsində qətimkan tədbirinin dəyişdirilməsi haqqında vəsatəti təmin etməyib. Bu barədə Turan-a onun vəkili Aqil Layıc bildirib.
Rəy yaz