Bakı/03.11.22/Turan: Noyabrın 3-də Moskvada Azərbaycan və Rusiya Təhlükəsizlik Şuralarının katibləri Ramil Usubov və Nikolay Patruşev arasında görüş keçirilib.
Rusiya Federasiyası Təhlükəsizlik Şurasından bildirilib ki, görüş MDB ölkələrinin Təhlükəsizlik Şuraları katiblərinin illik toplantısı çərçivəsində keçirilib.
Patruşev və Usubov “regionda təhlükəsizlik məsələlərini, o cümlədən informasiya təhlükəsizliyi və terrorizmlə mübarizə sahəsində Rusiya-Azərbaycan əməkdaşlığının gələcək tədbirlərini” müzakirə ediblər.
“Bundan əlavə, həmsöhbətlər hər iki ölkənin təhlükəsizlik şuraları arasında 2023-2024-cü illər üçün əməkdaşlıq planını imzalayıblar və bu planın həyata keçirilməsinin Rusiya ilə Azərbaycan arasında müttəfiqlik əlaqələrinin möhkəmlənməsinə xidmət edəcəyi vurğulanıblar”, - məlumatda deyilir.
MDB Təhlükəsizlik Şuraları rəhbərlərinin iclasına gəlincə, orada beynəlxalq təhlükəsizliyə, MDB üzvlərinin təhlükəsizliyinə çağırışlar və təhdidlər nəzərdən keçirilib.
“Xarici qeyri-hökumət təşkilatlarının və KİV-lərin MDB ölkələri ərazisində dağıdıcı fəaliyyəti probleminə toxunulub”.
Bundan başqa, MDB məkanında faşizmin tərənnümü və tarixin saxtalaşdırılmasına qarşı mübarizə tədbirləri də müzakirə edilib”, - məlumatda deyilir. -02B-
Siyasət
-
Fevralın 5-də axşam jurnalist Şahnaz Bəylərqızının saxlanıldığı məlum olub. Bir neçə il əvvəl o, “Toplum” TV-nin aparıcısı olub.
-
Dövlət başçısının 5 fevral tarixli sərəncamı ilə Muxtar Babayev prezidentin iqlim məsələləri üzrə nümayəndəsi təyin edilib.
-
Fevralın 5-də prezident İlham Əliyev Ukraynaya humanitar yardımın göstərilməsi haqqında sərəncam imzalayıb. Sənədə əsasən, Azərbaycanda istehsal olunan elektrik avadanlığının satın alınması və göndərilməsi üçün Energetika Nazirliyinə 1 milyon ABŞ dolları ayrılıb.
-
Fevralın 5-də Səbail Rayon Məhkəməsində “Kanal-13” İnternet- nəşrin rəhbəri əziz Orucovun işi üzrə proses davam edib.
Rəy yaz